| e-texts navigator |
| Wylie |
285a1 བཞིན་དེ་ཉིད་ལ།། ཐམས་ཅད་དེ་བཞིན་ཉིད་ན་གནས་པས་ཤེས་རབ་སྟེ།། རང་བཞིན་དེ་ལྟར་རྟོགས་པས་ཕ་རོལ་ཕྱིན།། ཆོས་ཀྱི་སྐུ་ཡི་རང་བཞིན་དོན་རྟོགས་ན།། ཕ་རོལ་ཕྱིན་པ་ཐམས་ཅད་ཡོངས
285a2 སུ་རྫོགས་པ་སྟེ།། རྫོགས་པ་ཆེན་པོའི་འོད་ལ་གང་གནས་པ།། འདི་བསྒོམ་ཐམས་ཅད་ཡོངས་སུ་བསྒོམས་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། དཀའ་ཐུབ་སྒོ་ནས་ཕ་རོལ་ཕྱིན་པ་དྲུག་སྤྱད་དུ་མེད་པས། ཕ
285a3 རོལ་ཕྱིན་པ་རང་ལ་རྫོགས་པའི་ལེའུ་སྟེ་ང་གཅིག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འདུས་བྱས་བློ་ཡི་ནམ་མཁའ་ལ།། འདུས་མ་བྱས་པ་སྐྱེ་བ
285a4 ཉིད།། སེམས་ཀྱི་གཞག་ཐབས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་ཉིད་འདུས་མ་བྱས་པ་དེ།། ནམ་མཁའི་ངོ་བོ་རང་བཞིན་ཡིན།། གང་དུ་མ
285a5 གྲུབ་སྤྲོས་བྲལ་བ།། དེ་ལ་འདུས་བྱས་བློ་ཉིད་བཞག། མ་བྱས་པ་ཡི་ཤེས་པ་དེ།། དེ་ལ་ཧད་དེ་ཕྱོད་དེ་བཞག། ཡུལ་གྱི་སྣང་བ་མི་དཔྱོད་ཅིང་།། སེམས་ཀྱི་རྟོག་པས་ལྟ་བ་མ་དཔྱད་ན།། མི་དམིགས་པ་རུ་སྣང་བས
285a6 ན།། རིག་པའི་སྟོང་པ་ཆེན་པོ་དང་།། ནམ་མཁའ་སྟོང་པ་འདྲེས་པ་ཡིན།། གང་དུ་མ་གྲུབ་སྤྲོས་བྲལ་བ།། དེ་ལྟར་རྟོགས་པ་ལྟ་བ་ཡིན།། དེ་ལ་གནས་པ་སྒོམ་པ་ཡིན།། གང་ལྟར་སྤྱོད་པ་སྤྱོད་པ་ཡིན།། སྣང་བ་འཛིན།
iiif viewer powered by OpenSeadragon
