| e-texts navigator |
| Wylie |
284b1 གྱིས་མི་ཁྱབ་པས།། ཡེ་ཤེས་བསམ་གྱིས་མི་ཁྱབ་སྐྱེ།། འགག་མེད་ཆོས་སྐུར་གང་ལྟར་བལྟས་པ་ཤར།། དེ་དང་ལྡན་པ་ཐམས་ཅད་དབང་ཡིན་ནོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས།། དབང་ངེས་པ་བསྟན་པའི
284b2 ལེའུ་སྟེ་ལྔ་བཅུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་སྐུ་སྐྱེ་བ་མེད་པའི་རང་བཞིན་ལ།། ཕ་རོལ་ཕྱིན་དྲུག་རྫོགས་པ་ཇི་ལྟ་བུ།། སྟོན་པའི
284b3 སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་ཉིད་རྣམ་པར་དག་པའི་རང་བཞིན་ལ།། ཐམས་ཅད་དེ་ལ་གནས་ཤིང་དེ་ལ་སྤྱོད་པ་དེ།། དབྱེར་མེད་མཉམ་པར་གནས་པས་སྦྱིན
284b4 པའོ།། རང་བཞིན་མེད་པར་ཤེས་པས་ཕ་རོལ་ཕྱིན་པ་ཡིན།། ཆོས་སྐུ་རང་བཞིན་གོས་པ་མེད་པ་ལ།། ངོ་བོ་རང་བཞིན་དག་པའི་ཚུལ་ཁྲིམས་ཏེ།། གང་གིས་གོས་པ་མེད་པ་ཚུལ་ཁྲིམས་ཕ་རོལ་ཕྱིན།། ཆོས་ཉིད་རང
284b5 བཞིན་གདོད་ནས་ཞི་བ་ལས།། རང་བཞིན་ཁོང་ཁྲོ་མེད་པ་བཟོད་པ་སྟེ།། དབྱེར་མེད་གཉིས་སུ་མེད་པ་ཕ་རོལ་ཕྱིན་པའོ།། སྐྱེ་མེད་གདོད་ནས་རང་བཞིན་ཀུན་ལ་ཁྱབ།། དོན་ཐོབ་ལེ་ལོ་མེད་པ་བརྩོན་པ་སྟེ།། ཀུན
284b6 ཁྱབ་དབྱེར་མེད་གནས་པ་ཕ་རོལ་ཕྱིན་པའོ།། ཆོས་ཉིད་གདོད་ནས་རང་བཞིན་རྣམ་དག་པས།། རྟོག་མེད་མཉམ་ཉིད་གནས་པ་བསམ་གཏན་ཏེ།། རང་བཞིན་ཡེངས་པ་མེད་པས་ཕ་རོལ་ཕྱིན།། ཆོས་ཀྱི་སྐུ་ཡི་རང
iiif viewer powered by OpenSeadragon
