| e-texts navigator |
| Wylie |
283b1 བཀག་ནས་སྟོང་བཟུང་ན།། ཅི་ཡང་མེད་པའི་སྐྱེ་མཆེད་བཞིན།། ཐམས་ཅད་རྣམ་པར་ཤེས་བཟུང་ན།། རྣམ་ཤེས་མཐའ་ཡས་སྐྱེ་མཆེད་བཞིན།། སྣང་བ་ངེས་པར་བཟུང་བ་ན།། སོ་སོའི་སྐྱེ་བོའི་ལྟ་བ
283b2 བཞིན།། དབྱིངས་ཀྱི་རང་བཞིན་ཤེས་པ་ན།། སྣང་བ་སྤང་དུ་མེད་པ་ལ།། སྟོང་པ་དེ་ཉིད་བསྒྲུབ་ཏུ་མེད།། དབྱིངས་ཀྱི་སྣང་བ་ཅིར་ཡང་འཆར།། ཡེ་ཤེས་སྣང་བ་ཅིར་ཡང་གསལ།། དབྱེར་མེད་སྣང་བ་ཅིར་ཡང
283b3 རོལ།། མ་བཀག་མ་བསྒྲུབས་བདེ་བའི་ངང་།། མ་བཅོས་སྙིང་པོ་དེ་ཉིད་དོན།། མ་བསྒྲུབས་མཐའ་རྣམས་ཀུན་ལས་འདས།། མ་བཀག་གོལ་བའི་ས་ལམ་མེད།། འབྲས་བུ་རེ་དོགས་མེད་པ་ཡིས།། འབྱེད་པ་མེད་པ
283b4 ཀུན་ཏུ་བཟང་།། རྡོ་རྗེ་ཐེག་པ་ཆེན་པོ་འདི།། ཕྱི་དང་ནང་དུ་སྣང་བ་ཡང་།། ཐབས་དང་ཤེས་རབ་འབྲེལ་པའི་བརྡའ།། ཐམས་ཅད་མཁྱེན་པའི་ཡེ་ཤེས་སྐུ།། འདི་ལས་མ་རྟོགས་གང་ཡང་མེད།། རྣམ་པ་ཐམས་ཅད
283b5 མཁྱེན་པ་ཡང་།། མ་བཅོས་པ་ལས་བྱུང་བ་སྟེ།། བཅོས་ན་ཐམས་ཅད་མཁྱེན་པ་མེད།། སྣང་བ་མ་བཅོས་ཆོས་ཉིད་ལ།། རིག་པ་མ་བཅོས་ཡེ་ཤེས་ཉིད།། དབྱེར་མེད་ཤེས་ན་ཡེ་ཤེས་ཐམས་ཅད་མཁྱེན།། ས་ལམ
283b6 སྦྱང་ན་གོལ་བའི་ལམ།། རྡོ་རྗེ་སེམས་དཔའ་ཞེས་བྱ་ནི།། རང་བཞིན་མ་བཅོས་པ་ལས་བྱུང་།། ས་དང་ལམ་དུ་འཛིན་པ་ཀུན།། ལོག་པར་རྟོག་པའི་སྤྱོད་ཡུལ་ལོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། སྐུ་དང་ཡེ
iiif viewer powered by OpenSeadragon
