| e-texts navigator |
| Wylie |
283a1 གཉིས།། ཐོག་མ་མེད་ནས་རང་ལ་བྱུང་།། རང་ཉིད་སྤངས་པའི་ཕ་རོལ་ན།། སྐུ་དང་ཡེ་ཤེས་ཡོད་པ་མིན།། སངས་རྒྱས་རྣམས་ཀྱི་ཡེ་ཤེས་དེ།། རང་ལ་གནས་ཏེ་གཞན་ན་མེད།། དམྱལ་བའི་གནས
283a2 དེར་གནས་གྱུར་ཀྱང་།། སྤུ་གྲི་ལ་སོགས་སྡུག་བསྔལ་རྣམས།། ཡེ་ཤེས་ཉིད་དུ་སྣང་བ་ལས།། སྡུག་བསྔལ་འབྱུང་བ་ག་ལ་སྲིད།། སེམས་ཅན་དམྱལ་བའི་སྡུག་བསྔལ་དེ།། སངས་རྒྱས་གནས་སུ་གནས་ན
283a3 ཡང་།། སངས་རྒྱས་རྣམས་ཀྱི་ཡེ་ཤེས་དེ།། སྡུག་བསྔལ་ཉིད་དུ་སྣང་བ་ལས།། ཡེ་ཤེས་སྣང་བ་ག་ལ་སྲིད།། རང་ལ་གནས་པའི་ཡེ་ཤེས་དེ།། རང་ཉིད་རང་ལ་མ་ཤར་ན།། གོང་མའི་ས་ཡི་ཡོན་ཏན་དེ།། རྣམ་གྲངས
283a4 ཡིན་ཏེ་དོན་མ་ཡིན།། རང་བྱུང་ཡེ་ཤེས་མ་ཤར་ན།། ས་དང་ལམ་ལ་སྤྱད་དུ་མེད།། ཐོབ་བྱ་ཐོབ་རྒྱུ་མེད་པ་ན།། ས་དང་ལམ་ཞེས་བྱ་བ་མེད།། ཕྱི་ནང་ཆོས་སྐུར་མ་ཤར་ན།། སྒྲིབ་དང་བསྒྲིབས་པ་འགོག་པའི
283a5 ལམ།། ཡང་དག་ཉིད་དུ་མ་གྲུབ་པས།། གང་ལྟར་བྱས་ཀྱང་འདུས་བྱས་ཆོས།། ཆོས་ཀྱི་སྐུ་ཉིད་མ་རྟོགས་ཤིང་།། རིག་པའི་ཡེ་ཤེས་མ་ཤར་ན།། མི་རྟོག་པ་ཉིད་བྱུང་གྱུར་ཀྱང་།། སྙོམས་པར་འཇུག་པ་རྣམ་གཉིས
283a6 བཞིན།། དགའ་བདེའི་ཡེ་ཤེས་སྐྱེས་གྱུར་ཀྱང་།། བསམ་གཏན་གཉིས་པའི་ལྷ་བཞིན་ནོ།། ཆོས་རྣམས་ནམ་མཁར་ཤེས་གྱུར་ཀྱང་།། རིག་པ་ཡུལ་ལ་སྤྱོད་པ་ན།། ནམ་མཁའ་མཐའ་ཡས་སྐྱེ་མཆེད་བཞིན།། སྣང་བ
iiif viewer powered by OpenSeadragon
