| e-texts navigator |
| Wylie |
282b1 གཞག་པ་ནི།། རིག་པའི་ངོ་བོ་གསལ་ལ་མ་འདྲེས་པས།། ཆོས་སྐུ་གསལ་ལ་མ་འདྲེས་དག་ལ་གཞག། སྣང་ལ་རང་བཞིན་མེད་པ་དང་།། གསལ་ལ་རང་བཞིན་མེད་པ་གཉིས།། དབྱེར་མེད་གཅིག་ཏུ་གཞག་པས
282b2 ན།། དེ་ཡི་བརྟན་པ་ཐོབ་པ་དང་།། རྨི་ལམ་དུས་སུ་དེ་ཉིད་སྣང་།། བར་དོའི་དུས་སུ་དངོས་སུ་སྣང་།། རིགས་ལྔ་སོ་སོའི་སྣང་བ་ལས།། ཞིང་ཁམས་ཡོངས་སུ་དག་པར་སྣང་།། འཁྲུལ་པའི་ལུས་ལ་བརྟེན་ནས་ནི།། མ
282b3 འཁྲུལ་པ་ཡི་སྐུ་ཉིད་བྱུང་།། འཁྲུལ་པའི་སྐུ་ལ་བརྟེན་ནས་ནི།། མ་འཁྲུལ་པ་ཡི་ཡེ་ཤེས་འབྱུང་།། འཁྲུལ་པའི་སྣང་བ་ལ་བརྟེན་ནས།། མ་འཁྲུལ་པ་ཡི་སྣང་བ་འབྱུང་།། སྐུ་རུ་ཡིན་པས་སྐུ་ཉིད་འབྱུང་།། གཞན་ལས
282b4 བྱུང་བ་མ་ཡིན་ནོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ལོངས་སྐུ་ལ་སེམས་བཞག་པའི་ལེའུ་སྟེ་ཞེ་བརྒྱད་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ
282b5 ལ།། ཐམས་ཅད་ཆོས་སྐུ་ཡིན་པ་ལས།། ས་ལམ་བགྲོད་དུ་མེད་པ་ལ།། བགྲོད་པར་མཐོང་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་ཉིད་ལས
282b6 དང་ལམ།། ལོག་པར་རྟོག་པའི་སྣང་བ་སྟེ།། ཆོས་ཀྱི་སྐུ་དང་ཡེ་ཤེས་གཉིས།། འོག་མའི་ལམ་ཉིད་འབྱོངས་པ་དང་།། གོང་མའི་ས་ཉིད་ཐོབ་པ་ན།། སྐུ་དང་ཡེ་ཤེས་ཐོབ་པ་མིན།། རང་གི་སྐུ་དང་ཡེ་ཤེས
iiif viewer powered by OpenSeadragon
