| e-texts navigator |
| Wylie |
282a1 པར་སྣང་།། ཕྱི་དང་ནང་གི་སྒྲིབ་མེད་པར།། ཡེ་ཤེས་སྤྱན་དང་ལྡན་པ་འབྱུང་།། དེ་ལྟའི་སྤྱན་དང་ལྡན་པ་དེས།། དབྱེར་མེད་སངས་རྒྱས་ཆོས་སྐུ་མཐོང་།། རང་བྱུང་ཡེ་ཤེས་སྙིང་པོ་བསྐྱེད།། དབྱེར་མེད
282a2 ལྷུན་གྲུབ་གོལ་མེད་པས།། གང་ལྟར་བྱས་ཀྱང་སངས་རྒྱས་སྐུ།། ཡིད་བཞིན་ནོར་བུ་ལྟ་བུ་ཉིད། དགག་བསྒྲུབ་གང་ཡང་མེད་པར་གནས།། སྣང་བ་དེ་ལྟར་རང་ཤར་བས།། འཁོར་བ་ཉིད་ཀྱང་འབྲས་བུའོ།། རིན་པོ
282a3 ཆེ་རྒྱས་པ་ཆེན་པོའི་རྒྱུད་ལས། བར་དོ་རྣམ་གསུམ་ལས་ཡེ་ཤེས་རིམ་གྱིས་གསལ་བའི་ལེའུ་སྟེ་ཞེ་བདུན་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ
282a4 ལ།། སངས་རྒྱས་ལོངས་སྐུ་ཆེན་པོ་ལ།། སེམས་གཞག་དེ་ཉིད་བརྟན་པ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྐུ་ཡི་ལོངས་སྐུ་དག་ལ་སེམས་དེ་གཞག་པ
282a5 ནི།། སྣ་ཚོགས་ཅིར་ཡང་སྣང་སྐུའི་ལོངས་སྐུ་ལ།། ཚོགས་དྲུག་འཛིན་པ་མེད་པར་བསྲེ་བར་བྱ།། ཕྱི་དང་ནང་གི་ལོངས་སྐུ་བསྲེས་ནས་ནི།། ཁ་དོག་རྣམ་ལྔ་ཡེ་ཤེས་རྣམ་ལྔར་བསྲེ།། སྒོ་ལྔ་འཛིན་པ་མེད་པ་རང་སོར
282a6 གནས།། སྒོ་ལྔ་ཡུལ་ལྔ་ཤེས་པ་རྣམ་ལྔ་ཡིས།། གཟུང་འཛིན་མེད་པར་ཤེས་པ་རང་སོར་གཞག། གསལ་བའི་ལོངས་སྐུ་གཉིས་མེད་བསྲེས་པ་ན།། སྐུ་ཡི་ལོངས་སྐུ་ཆེན་པོ་ཐོབ་པ་ཡིན།། ལོངས་སྐུ་ལོངས་སྐུ་དག་ལ
iiif viewer powered by OpenSeadragon
