| e-texts navigator |
| Wylie |
281a1 ལག་ཆོས་ཀྱི་སྐུ།། སྣ་ཚོགས་གྲངས་མེད་སྣང་བའི་སྐུ།། སྣང་བ་མ་བཅོས་པ་དག་ལ།། ཤེས་པ་མ་བཅོས་པ་དག་གཞག། མ་བཅོས་པ་ནི་བཅོས་པའི་མཆོག། བྱུང་བའི་སྐུ་གསུམ་ཆེན་པོ་ལ།། བྱུང་བའི
281a2 ཡེ་ཤེས་རྣམ་གསུམ་གཞག། འབྱུང་བ་དག་གི་སྐུ་གསུམ་ལ།། འབྱུང་བ་དག་གི་ཡེ་ཤེས་གཞག། བྱུང་ནས་གནས་པའི་སྐུ་གསུམ་ལ།། བྱུང་ནས་གནས་པའི་ཡེ་ཤེས་གཞག། ནམ་མཁར་མིང་མ་བཏགས་པ
281a3 ཡིས།། ནམ་མཁའི་སྙིང་པོ་བལྟས་བྱས་ན།། དེ་ཚེ་སངས་རྒྱས་ཉིད་དུ་འགྱུར།། སྔོན་མ་མཐོང་བའི་ཆོས་སྐུ་མཐོང་།། བལྟར་མེད་བལྟས་ན་ལྟ་བའི་མཆོག། བསྒོམ་མེད་བསྒོམས་ན་སྒོམ་པའི་མཆོག། དེ་ཡི་སྒྲིབ་པ
281a4 རྣམ་གསུམ་ནི།། ཕྱི་ནང་གསང་བའི་ཡིད་མེད་པས།། སྒྲིབ་པ་རང་བྱུང་དག་པ་ཡིན།། གནས་ལུགས་དེ་ལྟར་གནས་པ་ལ།། ཡིན་ལུགས་དེ་ལྟར་ཡིན་ཞེ་ན།། བསྒྲིབ་མེད་ཡེ་ནས་དག་པ་ཡིན།། རིན་པོ་ཆེ་རྒྱས་པ་ཆེན
281a5 པོའི་རྒྱུད་ལས། སྐུ་དང་ཡེ་ཤེས་ལ་སེམས་གཞག་པའི་ཐབས་ཀྱི་ལེའུ་སྟེ་ཞེ་དྲུག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། བར་དོ་རྣམ་པ་གསུམ་དག
281a6 ཏུ།། ལུས་གསུམ་གང་དང་ལྡན་པ་ཡིན།། སྤྱན་གསུམ་ཇི་ལྟར་གསལ་བ་ཡིན།། སྐུ་གསུམ་ཇི་ལྟར་ལྡན་པ་ཡིན།། ཡེ་ཤེས་ཇི་ལྟར་སྐྱེས་པ་ཡིན།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
iiif viewer powered by OpenSeadragon
