| e-texts navigator |
| Wylie |
280b1 དག་པ་ཡིན།། དེ་ལ་མཉམ་གཞག་རྗེས་ཐོབ་གཉིས།། གཉིས་སུ་མེད་པས་དབྱེར་མེད་པས།། མཉམ་ན་སེམས་ཀྱི་འབྲས་བུ་ཡིན།། དེ་ཡི་བརྟན་པ་ཐོབ་པ་ན།། ལུས་ཀྱི་འཁྲུལ་པ་བཟློག་པའོ།། རིན་པོ་ཆེ་རྒྱས་པ
280b2 ཆེན་པོའི་རྒྱུད་ལས། སེམས་སེམས་ལ་བཟུང་བའི་ལེའུ་སྟེ་ཞེ་ལྔ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། དབང་པོ་འབྲིང་པོའི་འཁྲུལ་པ་བཟློག་བྱས
280b3 པ།། ཕྱི་ཡི་ཡེ་ཤེས་དག་ལ་སེམས་གཞག་དང་།། ནང་གི་ཡེ་ཤེས་དག་ལ་གཞག་པ་དང་།། གསང་བའི་ཡེ་ཤེས་དག་ལ་གཞག་པ་དང་།། དེ་ཡི་ཟིན་རྟགས་སྒྲིབ་པ་དག་པ་གང་།། སྟོན་པའི་སྟོན་པ་ཀུན་ཏུ་བཟང་པོ
280b4 དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། དེ་ཉིད་རིམ་གྱིས་བལྟ་སོ་མ་བཅོས་སྣང་བ་འདི་ཉིད་ལ།། སྒོ་ལྔ་སོ་མ་བཅོས་པས་འཛིན་པར་མེད་པར་གཞག་པར་བྱའོ།། དེ་ཚེ་ཉིད་ན་འབྲས་བུ་ཆོས་སྐུ
280b5 འཐོབ།། ཆོས་སྐུ་ནམ་མཁའི་སྙིང་པོ་ལ།། ཚོགས་དྲུག་རིམ་ལྟར་རིམ་གྱིས་བླུག། ཚོགས་དྲུག་རིམ་གྱིས་སངས་རྒྱས་པས།། སངས་རྒྱས་པ་ཡི་སངས་རྒྱས་ཡིན།། ཆོས་སྐུ་ནམ་མཁའི་སྙིང་པོ་དེ།། ནམ་མཁའི་མིང་དང
280b6 བྲལ་བ་ཉིད།། བསམ་མེད་བསམ་གྱིས་མི་ཁྱབ་པས།། བསམ་གྱིས་མི་ཁྱབ་བསམ་མེད་པའོ།། རང་བྱུང་ཆོས་སྐུའི་སྙིང་པོ་ལ།། བལྟ་ཞིང་ཤིན་ཏུ་བརྟན་པ་ནི།། རང་བྱུང་ཆོས་སྐུའི་སྙིང་པོ་དེ།། རང་བྱུང་ཡེ་ཤེས་ཡན
iiif viewer powered by OpenSeadragon
