| e-texts navigator |
| Wylie |
280a1 པའི་གསང་དབང་རྡོ་རྗེ་སེམས་དཔའ་ལ།། སེམས་ཉིད་མི་རྟོག་སྟོང་པར་གནས་པ་ལ།། སེམས་ཉིད་ཆོས་སྐུ་སྟོང་པར་གནས་པ་དང་།། སེམས་ཉིད་ཡེ་ཤེས་རིག་པ་སྟོང་པ་དེ། ཡང་སེམས་ཀྱིས་ཡེ་ཤེས་སྟོང
280a2 པར་རིག་པ་དེ།། ཡིད་ཀྱི་སྐད་ཅིག་དང་པོར་བྱུང་བས་ན།། རིག་པ་དེ་དང་སྟོང་པ་གཉིས་མེད་པས།། སྟོང་པ་དེ་ཡི་ངང་ལ་གཞག་པར་བྱའོ།། སེམས་ཀྱིས་ཡེ་ཤེས་དག་པ་སེམས་འཛིན་ན།། རང་རིག་རང་མིང་མེད་པ
280a3 ལ།། སྐད་ཅིག་རིག་པར་རང་གསལ་དེ།། སྐད་ཅིག་གཉིས་པར་མི་གཏང་བར།། སེང་ངེ་ཡེ་རེ་གཟུང་བར་བྱའོ།། སེམས་ཀྱིས་སེམས་ལ་སེམས་འཛིན་ནི།། སྐད་ཅིག་དང་པོའི་རིག་པ་སྟེང་བྱུང་དེ།། ཡུལ་ལ་ཤེས་པ
280a4 ཧད་ཀྱིས་སྣང་བ་དེ།། རིག་པ་འཛིན་པ་མེད་པ་དེས།། ཡུལ་ལ་འཛིན་པ་མེད་པར་གཞག། རྒོད་ན་ཤེས་པ་བསྒྲིམས་ལ་གཞག། བྱིང་ན་ཤེས་པ་གློད་ལ་གཞག། སྣང་ན་རང་བཞིན་མེད་པར་གཞག། སྟོང་ན་འཛིན་པ
280a5 མེད་པར་གཞག། སེམས་དེ་ཟིན་པའི་རྟགས་དེ་ནི།། སྒོ་ལྔ་ཡུལ་ལ་མི་སྤྱོད་ཅིང་།། རྟོག་མེད་ཧད་དེ་གནས་པས་ན།། སེམས་ཀྱིས་སེམས་ནི་ཟིན་པ་ཡིན།། དེ་ཡིས་སྒྲིབ་པ་དག་པའི་རྟགས།། སྣང་བ་མིང་དང་བྲལ
280a6 བའི་སྣང་བ་ཡིས།། བག་ཆགས་སྒྲིབ་པ་དག་པ་ཡིས།། ཡུལ་ལ་ཉོན་མོངས་མི་སྐྱེ་བས།། ཉོན་མོངས་སྒྲིབ་པ་དག་པ་ཡིན།། སེམས་ཀྱིས་ཆོས་སྐུ་སྤྱོད་པ་ལ།། སེམས་ཀྱི་ཡེ་ཤེས་འཛིན་མེད་པས།། ཤེས་བྱའི་སྒྲིབ་པ
iiif viewer powered by OpenSeadragon
