| e-texts navigator |
| Wylie |
278b1 དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཡིད་ཀྱི་རྒྱུ་བ་རྣམ་པ་དགུར་བྱུང་བས།། ལྷ་བསྒོམ་འབྲས་བུ་གོལ་བ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ
278b2 ལ།། ཆོས་སྐུ་འགག་མེད་རིག་གསལ་འོད་དུ་ཤར།། འོད་དུ་སྣང་བའི་ཡན་ལག་རང་ལ་གསལ།། ཕྱི་ཡི་རྒྱུ་བ་རྣམ་གསུམ་ཡུལ་ལ་གཞལ།། ནང་གི་རྒྱུ་བ་རྣམ་གསུམ་སེམས་ལ་འཇལ།། གསང་བའི་རྒྱུ་བ་རྣམ་གསུམ
278b3 ལྟ་སྒོམ་དག་ལ་འཇལ།། ཕྱི་ཡི་ཆོས་སྐུ་ཆེན་པོ་དེས།། མ་བཅོས་སོ་མར་རང་སྣང་བས།། དང་པོ་རང་རིག་ཡེ་ཤེས་དེས།། རིག་མ་སྐྱེས་པ་ཡེ་ཤེས་ཡིན།། རིག་པ་སྐྱེས་པ་ཡིད་ཡིན་ཏེ།། རིག་པ་རིག་པ་སྐྱེས་པ
278b4 ཡིན།། དང་པོ་ཅི་ཡིན་སྙམ་པ་དང་།། བར་དུ་ཡིན་མིན་སྙམ་པ་དང་།། ཐོག་མར་ཡིན་གདེང་ཤེས་པ་ཡིས།། སོ་མའི་ཆོས་ཉིད་དེ་ཡིས་བསྒྲིབས།། མ་བཅོས་པ་ཡི་སྙིང་པོ་ལ།། བྱས་པའི་བློ་ཡི་སྣང་བར་བྱུང་།། འདུས
278b5 བྱས་ཆོས་ཉིད་ཆེན་པོ་ཡིན།། ནང་གི་བྱང་ཆུབ་སེམས་ཉིད་དེ།། གསལ་ལ་མི་རྟོག་འཛིན་མེད་པས།། བྱང་ཆུབ་སེམས་སུ་བཟུང་ནས་ནི།། སེམས་ལ་ཡིན་མིན་རྣམ་གསུམ་འབྱུང་།། གཟུང་བ་རང་གི་སེམས་ཉིད
278b6 བསྒྲིབས།། གསང་བའི་ཆོས་སྐུ་ཆེན་པོ་དེས།། རང་བཞིན་རྣམ་དག་འགག་པ་མེད།། མ་བཅོས་པ་ཡི་སྙིང་པོ་ལ།། བལྟར་མེད་བལྟས་ན་ཡིད་ཀྱི་ཡུལ།། བསྒོམ་མེད་བསྒོམས་ན་རྟོག་པ་ཡིན།། གསང་བའི་རྒྱུ་བས
iiif viewer powered by OpenSeadragon
