| e-texts navigator |
| Wylie |
278a1 གསལ་བས་སྡུག་བསྔལ་བསྐྱེད་པའི་རྒྱུ།། ཆོས་སྐུ་ཡན་ལག་སྡུག་བསྔལ་དག་ཏུ་ཤར།། རིན་པོ་ཆེ་རྒྱས་པ་ཆེན་པོའི་རྒྱུད་ལས། བར་དོ་འཁྲུལ་སྣང་གི་ལེའུ་སྟེ་ཞེ་གཅིག་པའོ།། །། སྡུད་པའི་གསང
278a2 དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འོད་གསལ་ལྷ་ཡི་སྣང་བ་དང་།། གཟུགས་མེད་ལྷ་ཡི་སྣང་བ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
278a3 སེམས་དཔའ་ལ།། ཆོས་སྐུ་འགག་མེད་རིག་གསལ་འོད་དུ་ཤར།། འོད་དུ་སྣང་བའི་ཡན་ལག་རང་ལ་གསལ།། རང་འོད་རང་ཤར་གཉིས་སུ་སྣང་བ་ཡིས།། ནམ་མཁའ་དག་ལ་བརྟེན་པས་བག་ཆགས་དེ་ལྟར
278a4 སྣང་།། རང་གི་སྣང་བ་འོད་དུ་ཤར་བ་ལས།། གསལ་འགྲིབ་དག་གི་སྣང་བ་སྡུག་བསྔལ་ཆུ།། འདོད་པའི་ཡོན་ཏན་བྲལ་ནས་སུ།། ཕུང་པོ་འོད་ལུས་ཆེན་པོ་དེས།། འགྱུར་བའི་སྡུག་བསྔལ་དག་པས་ན།། གཟུགས
278a5 མེད་ལྷ་ཡི་སྣང་བ་ནི།། ཆོས་རྣམས་ནམ་མཁའ་ལྟ་བུར་མཐོང་།། ཆོས་རྣམས་ཅི་ཡང་མེད་པར་མཐོང་།། ཡོད་པ་ནམ་མཁའ་ལྟ་བུ་ལ།། མེད་པ་ཅི་ཡང་མི་དམིགས་པ།། ཆོས་རྣམས་རྣམ་པར་ཤེས་པར་མཐོང་།། མེད
278a6 བཞིའི་ཕུང་པོ་དག་ཏུ་གྲུབ།། སྣང་བ་གཟུགས་སུ་མི་དམིགས་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ལྷ་འཁྲུལ་སྣང་གི་ལེའུ་སྟེ་ཞེ་གཉིས་པའོ།། །། སྡུད་པའི་གསང་དབང་རྡོ་རྗེ་སེམས་དཔའ
iiif viewer powered by OpenSeadragon
