| e-texts navigator |
| Wylie |
277a1 སྡུག་བསྔལ་རང་ཉིད་སྣང་བ་ལས།། མཐོང་སྟངས་སོ་སོ་དག་གི་ཡུལ་ཡིན་པས།། རང་རང་བག་ཆགས་སོ་སོའི་རིས་སུ་གྲུབ།། མེད་ཀྱང་སྣང་བས་འཁྲུལ་པའི་སྣང་བ་ནི།། ལོག་རྟོགས་འཁྲུལ་པས
277a2 ཆོས་ཉིད་གསལ་བ་མིན།། ཆོས་སྐུའི་རྩལ་ཉིད་སྣང་བ་ལས།། སོ་སོའི་རིགས་ཀྱི་སྣང་བ་བྱུང་བ་ཡིན།། རིག་པ་མི་རིག་རིག་པར་ཤར་བ་ལས།། གང་ཟག་རིགས་རྣམས་སོ་སོར་བྱུང་བ་ཡིན།། དཔེར་ན་གཞི་གཅིག
277a3 དག་ལས་སྣང་ཚུལ་ཐ་དད་པ།། ཆུ་ཡི་རང་བཞིན་ངོ་བོ་གཅིག་པ་ལས།། དམྱལ་བས་མེ་མར་མེ་ཡི་ཕུང་པོར་མཐོང་།། ཡི་དྭགས་རྣག་ཁྲག་དག་ཏུ་མཐོང་བ་ཡིན།། བྱོལ་སོང་དག་གིས་གནས་སུ་མཐོང་བ་དང་།། མི
277a4 ཡིས་ཆུར་མཐོང་ལྷ་ཡིས་བདུད་རྩིར་མཐོང་།། གཅིག་ལས་མེད་དེ་ཐ་དད་སྣང་བ་ཡིན།། ཆོས་ཉིད་མ་མཐོང་རྩལ་ཉིད་མཐོང་བ་ཡིན།། བག་ཆགས་དབང་གིས་ཐ་དད་འབྱུང་བའོ།། རིན་པོ་ཆེ་རྒྱས་པ་ཆེན་པོའི་རྒྱུད
277a5 ལས། རིགས་དྲུག་བག་ཆགས་སྣང་བ་བསྟན་པའི་ལེའུ་སྟེ་བཞི་བཅུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྲིད་པ་བར་དོའི་འཁྲུལ་པའི་མཐོང
277a6 སྟངས་དང་།། ངོ་བོ་སྣང་ཚུལ་ཇི་ལྟར་སྣང་བ་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་རང་གི་བྱིན་རླབས་རྩལ་ལྔར་ཤར་བ་ལས།། རིག་པ་རྐྱང་པ
iiif viewer powered by OpenSeadragon
