| e-texts navigator |
| Wylie |
276a1 མེད་རྩལ་གྱི་སྣང་ཚུལ་ཡིན།། སྐུ་གསུམ་བཙལ་དུ་མེད་པ་གདོད་ནས་ལྷུན་གྱིས་གྲུབ།། དུག་གསུམ་སྤང་དུ་མེད་པས་ཡེ་ཤེས་གདོད་ནས་དག། ཐམས་ཅད་རང་བྱུང་དང་ལ་རྫོགས་པ་ཡིན།། འབྲས་བུ
276a2 རྫོགས་པ་ཆེན་པོའི་རང་བཞིན་ནོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཨ་ཏི་ཡོ་གའི་ལྟ་བ་བསྟན་པའི་ལེའུ་སྟེ་སོ་དགུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ
276a3 བཟང་པོ་ལ།། ཆོས་སྐུ་ཆེན་པོ་ཀུན་ལ་ཁྱབ་པ་ལ།། འགྲོ་དྲུག་རྣམས་ཀྱིས་ཆོས་ཉིད་མི་སྣང་བར།། སྡུག་བསྔལ་སྣ་ཚོགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས
276a4 དཔའ་ལ།། རང་བྱུང་ཆོས་སྐུ་ཆེན་པོ་དེ་ཉིད་ནི།། དབྱེར་མེད་གཅིག་ཡིན་བྲི་གང་མེད་པར་ཆགས།། གཅིག་ལས་མཐོང་སྟངས་ཐ་དད་བྱུང་བས་ན།། ཆོས་སྐུ་རང་བྱུང་འོད་གསལ་ཆེན་པོ་དེས།། འོད་གསལ་མེ་རུ
276a5 མཐོང་བས་དམྱལ་བའི་སྡུག་བསྔལ་རྒྱུ།། མ་གཡོས་ཆུ་རུ་མཐོང་བས་གྲང་བའི་སྡུག་བསྔལ་རྒྱུ།། སྤྲུལ་པ་གཤིན་རྗེར་མཐོང་བས་སྡུག་བསྔལ་ཆེན་པོའི་རྒྱུ།། དོན་བྱེད་འདྲེན་པ་སླར་ལ་སྲོག་གཅོད་མཐོང་།། གསུང་གི
276a6 ཆོས་སྟོན་ལོག་པའི་སྒྲ་ཉིད་འབྱུང་།། གཏོགས་སོད་ཆོད་ལ་སོགས་པའི་སྒྲ་རུ་ཐོས།། གདུལ་བྱ་ཕྱག་མཚན་སྤུ་གྲི་ལ་སོགས་མཐོང་།། གཅིག་ལས་མེད་ཀྱང་ལོག་པའི་སྣང་བ་ཡིན།། ཆོས་སྐུ་སྤྲོས་བྲལ་ཆེན་པོ
iiif viewer powered by OpenSeadragon
