| e-texts navigator |
| Wylie |
275b1 དེ།། ཆོས་སྐུ་རིས་མེད་ཆེན་པོ་དེ།། རང་བྱུང་ནམ་མཁའ་དག་ཏུ་ཤར།། མཐའ་དབུས་མེད་པར་ཡངས་པ་སྟེ།། སྐྱེ་འགག་མེད་ཅིང་བྲི་གང་མེད།། ལྟ་བ་རང་བཞིན་མེད་པའི་དོན།། དེ་ནི་ཆོས་སྐུ་ཆེན་པོར་འདོད།། དེ
275b2 ལས་བྱུང་བའི་སྣང་བ་ནི།། རྣམ་པར་སྣང་མཛད་ལོངས་སྐུར་ཤར།། ཆོས་སྐུ་དེ་ཡི་རྩལ་ཉིད་ལས།། རིག་པ་སྣ་ཚོགས་རྩལ་ཤར་བས།། སྦྲུལ་སྐུ་ཆེན་པོའི་སྣང་བ་ཡིན།། སྦྲུལ་སྐུས་ཡུལ་དུ་སྤྱད་པ་དེས།། ཡུལ་དང
275b3 ཡུལ་ཅན་ཡིན་པའི་ཕྱིར།། ཡིད་སྨོན་བློ་ཡི་ཆོས་ཡིན་པས།། ཇི་ལྟར་སྤྱད་ཀྱང་འདུས་བྱས་ཡིན།། སེམས་ཉིད་དག་པ་རྟོགས་པས་ན།། ཉིད་ལ་ཉིད་རྟོགས་སངས་མི་རྒྱ།། ཡེ་ཤེས་རིག་སྟོང་ཐིག་ལེ་དེ།། རྒྱུ་རྐྱེན་ཀ།
275b4 ནས་ཡིན་ནམ་བཀའ་ལས་མ་གྲུབ་པས།། རང་བྱུང་ཡེ་ཤེས་རིག་གསལ་ཡིན།། འགག་པ་མེད་པས་ཤར་བས་ན།། རང་གསལ་ལོངས་སྐུ་ཆེན་པོ་ཡིན།། རྟོགས་བསམ་བློ་ལས་འདས་པས་ན།། རང་སྣང་གྲོལ་བའི་མེ
275b5 ལོང་འདི།། རིག་གསལ་སྦྲུལ་སྐུ་ཤར་བ་ཡིན།། རང་བྱུང་སེམས་ཀྱི་སྒྲ་དེ་ནི།། བརྗོད་པའི་མཐའ་དང་བྲལ་བས་ན།། ངོ་བོ་ནམ་མཁའ་ལྟ་བུ་དེ།། རྣམ་པར་དག་པ་ཆེན་པོ་ཉིད།། ལོངས་སྐུ་འཇའ་ཚོན་ལྟ་བུ་ལ།། ངོ
275b6 བོཔོ་རྣམ་པར་སྣང་མཛད་སྣང་།། གང་ཟག་བློ་ལ་ངེས་མེད་པས།། སྤྲུལ་པའི་སྐུ་ཡང་ངེས་མེད་སྣང་།། སྐུ་ཡི་སྐུ་གསུམ་ཆེན་པོ་དང་།། སེམས་ཀྱི་སྐུ་གསུམ་ཆེན་པོ་ནི།། སྐུ་གསུམ་འདུ་འབྲལ་མེད་པ་ཡིན།། དབྱེར
iiif viewer powered by OpenSeadragon
