| e-texts navigator |
| Wylie |
274a1 པས།། འབྲས་བུ་ལྷ་ཡི་སྣང་བ་གྲུབ་པར་འདོད།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཨུ་པ་ཡ་འཁྲུལ་པའི་ལེའུ་སྟེ་སོ་དྲུག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན
274a2 པའི་སྟོན་པ་ཀུན་ཏུ་བཟང་པོ་ལ།། མ་ཧཱ་ཡོ་ག་འཁྲུལ་པའི་རྒྱུ་ཉིད་དང་།། འཁྲུལ་པའི་འདྲ་གཞི་འཇུག་པའི་སྒོ་ཉིད་དང་།། རྟོགས་པའི་ལྟ་བ་ཉམས་ཀྱི་སྒོམ་པ་དང་།། སྤྱོད་པའི་བདག་ཉིད་གྲུབ་པའི་འབྲས་བུ
274a3 གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་རིས་མེད་ཡོན་ཏན་འགག་མེད་པས།། ཡོན་ཏན་མ་འགགས་རང་བཞིན་མེད་པ་ལས།། ཆོས་ཉིད་མ་མཐོང
274a4 ཡོན་ཏན་མཐོང་བ་ལས།། མཐོང་བ་དེ་ཡིས་འཁྲུལ་པའི་རྒྱུ་ཉིད་བྱས།། ཡོན་ཏན་མ་འགགས་འོད་དུ་སྣང་བ་དང་།། ཤེས་རབ་མིང་མེད་ཤེས་རབ་དག་ཏུ་རྟོགས།། ཐབས་དང་ཤེས་རབ་དག་ཏུ་མཐོང་བ་ཡིས།། ཡོན
274a5 ཏན་མཐོང་སྟངས་དེ་གཉིས་འདྲ་བ་ཡིས།། འདྲ་མཐུན་རིགས་མཐུན་འདྲ་བ་འདུས་པ་ལས།། ཕྱི་དང་ནང་གི་སྣང་བར་བྱུང་བ་ཡིན།། ཕྱི་ཡི་སྣང་བ་ལྷ་ཡི་གཞལ་ཡས་ཁང་།། རིག་པའི་སྣང་བ་ལྷ་དང་ལྷ་མོ་ཉིད།། དེ
274a6 གཉིས་ཐབས་དང་ཤེས་རབ་དག་ཏུ་རྟོགས་པ་ཡིས།། ཐམས་ཅད་རྒྱལ་བའི་དཀྱིལ་འཁོར་ལྷུན་གྱིས་གྲུབ།། རྡོ་རྗེ་ཕུང་པོ་ཡན་ལག་རྒྱལ་བའི་དཀྱིལ་འཁོར་ལྷུན་གྱིས་གྲུབ།། ཏིང་འཛིན་རྣམ་གསུམ་སྒོ་ནས་ཞུགས་པ
iiif viewer powered by OpenSeadragon
