| e-texts navigator |
| Wylie |
273b1 བརྟེན་པས་ལུས་ཉིད་དག། གསང་སྔགས་བཟླས་བརྗོད་བྱས་པས་ངག་ཉིད་དག། ཚད་མེད་བཞི་བསྒོམ་ཡིད་ཉིད་དག་པ་ཡིས།། དཔོན་དང་གཡོག་ཏུ་མཐོང་ནས་མཆོད་བསྟོད་བྱས་པ་ཡིན།། ཡེ་ཤེས་སེམས་དཔའ
273b2 དེ་ཉིད་མཉེས་པས་སོ།། དམ་ཚིག་སེམས་དཔའ་དེ་ལ་འབྲས་བུ་འཐོབ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཡོ་ག་འཁྲུལ་སྣང་གི་ལེའུ་སྟེ་སོ་ལྔ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ
273b3 དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཨུ་པ་ཡ་ཡི་འཁྲུལ་པའི་རྒྱུ་ཉིད་དང་།། འདྲ་གཞི་འཇུག་སྒོ་རྟོགས་པའི་བལྟ་བ་དང་།། དེ་ཡི་སྒོམ་པ་སྤྱོད་པའི་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ
273b4 དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུའི་རང་བཞིན་ཡོན་ཏན་མ་འགགས་པས།། ཡོན་ཏན་ཡན་ལག་རྣམ་པ་གཉིས་སུ་སྣང་།། གཉིས་སྣང་དེ་ཡིས་འཁྲུལ་པའི་གཞི་བྱས་ནས།། འོད་ལ་ལྷ
273b5 མཐོང་ལྷ་ཉིད་དག་པར་མཐོང་།། གཉིས་སུ་མཐོང་བས་འདྲ་མཐུན་རིགས་མཐུན་པས།། འཇུག་པའི་སྒོ་ནི་དག་པ་དག་ལ་འཇུག། རྟོགས་པའི་ལྟ་བ་སྣང་བ་རིགས་ལྔར་རྟོགས།། རྗེ་དང་འབངས་སུ་མཐོང་བ
273b6 ཡིས།། ཡེ་ཤེས་སེམས་དཔའ་དག་ལ་ནི།། མཆོད་དང་བསྟོད་པས་དངོས་གྲུབ་འབྱུང་།། དམ་ཚིག་སེམས་དཔར་བྱིན་གྱིས་རློབས།། སྒོམ་པ་རིགས་ལྔ་མདུན་དུ་བསྒོམ།། ལྟ་བ་ཡར་བལྟ་སྤྱོད་པ་མར་སྤྱོད
iiif viewer powered by OpenSeadragon
