| e-texts navigator |
| Wylie |
273a1 མཆོད་བསྟོད་དང་འབྲས་བུ་སྟེར་བར་མཐོང་།། དེ་ཉིད་མཉེས་པས་ཡོན་ཏན་རང་ལ་དགད།། ལྷ་ཉིད་རྟོགས་པས་སྣང་བ་ཁོ་ནར་ཤར།། ཡུལ་དང་ཡུལ་ཅན་གཉིས་སུ་སྣང་བ་ཡིན།། དམ་ཚིག་སེམས
273a2 དཔར་གསལ་ཞིང་བརྟན་པ་དང་།། ཡེ་ཤེས་སེམས་དཔའི་འབྲས་བུ་དངོས་སུ་སྣང་།། དེ་རྟོགས་པ་ཡིས་འབྲས་བུ་འཐོབ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཀྲི་ཡཱ་འཁྲུལ་པར་སྣང་བའི་ལེའུ་སྟེ་སོ་བཞི
273a3 པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཡོ་ག་འཁྲུལ་པའི་རྒྱུ་དང་འདྲ་གཞི་དང་།། འཇུག་པའི་སྒོ་དང་རྟོགས་པའི་ལྟ་བ་དང་།། དེ་ཡི་བསྒོམ་པ་སྤྱོད
273a4 པའི་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་ཡོན་ཏན་མ་འགགས་ལྔར་སྣང་བས།། ཆོས་སྐུའི་དོན་མ་མཐོང་བས་ཡོན་ཏན་སྣང་བ
273a5 ལ།། ཡོན་ཏན་མ་འགགས་འོད་ལྔར་ཤར་བ་ལས།། འོད་ལ་རིགས་བཞིའི་དེ་བཞིན་གཤེགས་པར་མཐོང་།། མཐོང་བ་དེ་ཡིས་འཁྲུལ་པའི་རྒྱུ་ཉིད་བྱས།། ལྷ་དང་འོད་དུ་སྣང་བའི་འདྲ་མཐུན་རིགས་མཐུན་བྱས།།
273a6 གཉིས་དག་གིས་འཁྲུལ་པའི་འདྲ་གཞི་བྱས།། ལུས་ངག་ཡིད་གསུམ་དག་པ་དེ་ཉིད་ཀྱིས།། དག་ན་ལྷ་ཡི་སྣང་བ་མཆེད་པར་མཐོང་།། ལུས་ངག་ཡིད་གསུམ་དག་པ་ཆེན་པོས་འཇུག། ཁྲུས་དང་གཙང་སྦྲ་དག་ལ
iiif viewer powered by OpenSeadragon
