| e-texts navigator |
| Wylie |
272b1 གྱིས་འཐོབ།། འབྲས་བུ་ཕ་རོལ་ཕྱིན་པ་ཡོངས་སུ་རྫོགས་པ་ཡིན།། བྱང་ཆུབ་སེམས་དཔའ་རིགས་གསུམ་འབྲས་བུ་འཐོབ། རིན་པོ་ཆེ་རྒྱས་པ་ཆེན་པོའི་རྒྱུད་ལས། བྱང་ཆུབ་སེམས་དཔའ་སྒྱུ་མ་ཙམ་གྱི་ལྟ་བ་འཁྲུལ
272b2 སྣང་གི་ལེའུ་སྟེ་སོ་གསུམ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཀྲི་ཡཱ་འཁྲུལ་པའི་རྒྱུ་དང་འདྲ་གཞི་དང་།། འཇུག་པའི་སྒོ་དང་ལྷ་སྒོམ་སྤྱོད་པ
272b3 གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་རང་བྱུང་ཡོན་ཏན་མ་འགགས་པས།། ཡོན་ཏན་ཡན་ལག་རྩལ་གསུམ་ཆད་པ་ལས།། རྩལ་གསུམ་དག་ལས
272b4 སྐུ་གསུམ་སྣང་བར་ཤར།། སྣང་བ་དེ་གསུམ་འོད་དུ་མཐོང་བ་ལས།། ལྷ་ཡི་སྐུ་ཡི་ཕྱག་རྒྱ་གསལ་བ་ལས།། བྱུང་བ་མ་མཐོང་ཡན་ལག་མཐོང་བས་འཁྲུལ།། འོད་དང་ལྷ་གཉིས་འདྲ་མཐུན་རིགས་མཐུན་པས།། འོད
272b5 ལ་ལྷ་མཐོང་དག་གི་སྣང་བ་དེས།། ཀྲི་ཡཱར་འཁྲུལ་པ་དག་གི་འདྲ་གཞི་བྱས།། འོད་ལ་མཐོང་སྟངས་རྣམ་པ་གསུམ་དུ་མཐོང་།། རྒྱུ་ཉིད་དག་པས་འོད་དུ་མཐོང་བ་ཡིན།། ལུས་ངག་ཡིད་གསུམ་དག་པའི་སྒོ་ནས
272b6 འཇུག། རང་བཞིན་དག་པས་སྣང་བ་ལྷ་ཉིད་སྣང་།། འཇམ་དཔལ་སྤྱན་རས་གཟིགས་དང་ཕྱག་ན་རྡོ་རྗེར་སྣང་།། སྣང་བ་དེ་ཉིད་ཡང་དག་བདེན་པར་རྟོགས།། ལྷ་ཉིད་རྗེར་མཐོང་རང་ཉིད་ཁོལ་དུ་མཐོང་།། ལྷ
iiif viewer powered by OpenSeadragon
