| e-texts navigator |
| Wylie |
272a1 ལས་སངས་པ་མེད་པ་སྤྱོད་པ་ཡིན།། འབྲས་བུ་བྱང་ཆུབ་སེམས་དཔའ་ཆེན་པ་འཐོབ།། ངན་པ་ཆེ་རྒྱས་པ་ཟིན་ཟའི་ཆུད་ལས། བྱང་ཆུབ་སེམས་དཔའ་ལྟ་བ་འཕྲུལ་བལ་མའུ་སྟེ་གནས
272a2 པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། བྱང་སེམས་སྒྱུ་མ་ལྟ་བུ་འཁྲུལ་པའི་རྒྱུ་དང་ནི།། འདྲ་གཞི་རྟོགས་པའི་ཚད་ཉིད་དང་།། ལྟ་བ་སྤྱོད་པ་འབྲས
272a3 བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བྱུང་ཆོས་སྐུ་ཆེན་པོ་ལས།། འགག་མེད་རྩལ་རྣམས་ཅིར་ཡང་སྣང་།། སྐུ་ལས་བྱུང་བར་མ་མཐོང་བས།། རྩལ
272a4 རྣམས་སོ་སོར་སྣང་བ་ལས།། སོ་སོའི་སྣང་བ་དེ་ཉིད་ལས།། སྒྱུ་མ་ལྟ་བུར་མཐོང་བ་ཡིས།། བྱང་སེམས་འཁྲུལ་པའི་རྒྱུ་ཉིད་བྱས།། རྩ་རྣམས་བརྟགས་ན་མེད་པ་དང་།། སྒྱུ་མར་བརྟགས་ན་མེད་པ་ཡིས།། འདྲ་མཐུན
272a5 རིགས་མཐུན་འདྲ་བ་འདུས་པ་ཡིས།། བྱང་སེམས་འཁྲུལ་པ་དེ་ཡི་འདྲ་གཞི་བྱས།། ཕྱི་ཡི་སྣང་བ་འོད་གསལ་སྦྲ་མར་རྟོགས།། སྣང་ཡང་བརྟགས་ན་མེད་པ་ཡིན།། ནང་གི་སྣང་བ་རིག་གསལ་སྒྱུ་མར
272a6 རྟོགས།། བརྟགས་ན་ཕུང་པོ་དག་ནི་གཏིང་མི་རྙེད་པའོ།། རིག་པ་སྒྱུ་མ་སྣང་བས་འགྲོ་བ་སྒྱུ་མ་བྱུང་།། སྒྱུ་མས་སྒྱུ་མ་དག་གི་དོན་ཡང་བྱེད།། ཡེ་ཤེས་སྒྱུ་མ་ཙམ་དུ་རྟོགས་པ་ཡིས།། ལམ་ལྔ་བགྲོད་པས་ས་བཅུ་རིམ
iiif viewer powered by OpenSeadragon
