| e-texts navigator |
| Wylie |
271b1 འཁྲུལ་པའི་ལེའུ་སྟེ་སོ་གཅིག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། བྱང་ཆུབ་སེམས་དཔའ་འཁྲུལ་པའི་རྒྱུ་ཉིད་དང་།། འཁྲུལ་པའི་འདྲ་གཞི
271b2 རྟོགས་པའི་བལྟ་བ་དང་།། དེ་ཉིད་ཉམས་དང་སྤྱོད་པའི་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་སྤྲོས་དང་བྲལ་བ་ཆེན་པོ་ལས།། ཡན་ལག
271b3 སྣ་ཚོགས་སྟོང་པ་དེ་ཉིད་ལས།། ཆོས་སྐུ་མ་མཐོང་སྟོང་པ་ཆེན་པོར་མཐོང་།། ཡན་ལག་སྟོང་པ་སྟོང་པ་དེ་ཉིད་ཀྱིས།། ཆོས་རྣམས་ཐམས་ཅད་སྤྲོས་དང་བྲལ་བར་མཐོང་།། མཐོང་བ་དེ་ཡིས་འཁྲུལ་པའི་རྒྱུ་ཉིད
271b4 བྱས།། ཆོས་སྐུའི་ཡན་ལག་སྟོང་པར་མཐོང་བ་དང་།། བློ་ཡིས་མཐོང་བའི་སྟོང་པ་ཆེན་པོ་གཉིས།། འདྲ་མཐུན་རིགས་མཐུན་འདྲ་བ་འདུས་པ་ལས།། བྱང་ཆུབ་སེམས་དཔའ་འཁྲུལ་པའི་འདྲ་གཞི་བྱས།། ཆོས
271b5 རྣམས་ཐམས་ཅད་སྟོང་པར་རྟོགས་པ་ཡིས།། མཐའ་དང་དབུས་མེད་སྟོང་པའི་དེ་བཞིན་ཏེ།། ཕྱི་ཉིད་སྟོང་པས་ནང་གི་ཡུལ་ལས་འདས།། ནང་ཉིད་སྟོང་པས་སེམས་ཀྱི་རྟོགས་ལས་འདས།། མཐའ་དབུས་མེད་པར
271b6 སྟོང་པ་ཆེན་པོར་རྟོགས།། སེམས་ཉིད་སྟོང་པ་མཐའ་དང་དབུས་མེད་པས།། རང་བྱུང་གདོད་ནས་དག་པ་ཆེན་པོ་དེས།། བསམ་དུ་མེད་དེ་བསམ་པའི་ཡུལ་ལས་འདས།། དེ་ཡི་རང་བཞིན་གནས་པ་སྒོམ་པ་ཡིན།། དེ
iiif viewer powered by OpenSeadragon
