| e-texts navigator |
| Wylie |
271a1 མཐུན་རིགས་མཐུན་འདྲ་བ་འདུས་པ་ཡིས།། སེམས་ཙམ་འཁྲུལ་པ་དག་གི་འདྲ་གཞི་བྱས།། ཕྱི་དང་ནང་དུ་སྣང་བ་ཐམས་ཅད་ཀུན།། སེམས་ཉིད་དག་གི་སྣང་བ་ཡིན་པ་ལས།། སེམས་ལས་མ
271a2 གཏོགས་གང་ཡང་ཡོད་མ་ཡིན།། སེམས་དེའི་ངོ་བོ་རང་རིག་རང་གསལ་བ།། རྒྱུ་འབྲས་དག་ལས་གྲོལ་བར་རྟོགས།། གསལ་བ་ཉམས་སུ་མྱང་བ་ལས།། གསལ་བྱེད་གཞན་ལ་མ་ལྟོས་པས།། བེམ་པོ་དག་ལས
271a3 ལོག་པ་དེ།། སེམས་ལས་བྱུང་བའི་རྣམ་པ་ཀུན།། སེམས་ཉིད་ཇི་བཞིན་བདེན་པས་ན།། རྣམ་པ་ཀུན་ཡང་བདེན་པ་ཡིན།། སེམས་དང་རྣམ་པར་སྣང་བ་ཡང་།། བདག་ཉིད་གཅིག་པས་འབྲེལ་པ་ཡང་།། སེམས་ཉིད
271a4 ཇི་ལྟར་སྣང་བ་དེའི།། རྣམ་པ་ཡང་ནི་དེ་ཁོ་ན།། རྣམ་པ་སྣ་ཚོགས་སྣང་བས་ན།། སེམས་དེ་ཡང་ནི་སྣ་ཚོགས་སྣང་།། སེམས་ལས་བྱུང་བའི་རྣམ་པ་ནི།། སེམས་ཉིད་བདེན་པས་རྣམ་མི་བདེན།། སེམས་ཉིད་དང
271a5 གསལ་ཉམས་སུ་མྱོང་།། རྣམ་པར་སྣང་བ་འདི་དག་ཀུན།། དངོས་སུ་ཡོད་པ་མ་ཡིན་ཏེ།། མེད་པ་དེ་ཉིད་སྣང་བ་ཡིན།། དཔེར་ན་སྐྲ་ཟླ་ལ་སོགས་མེད་མཐོང་བཞིན།། ཕྱི་ནང་ཐམས་ཅད་སེམས་སུ་རྟོགས།། དེ
271a6 རྟོགས་པ་ནི་བལྟ་བ་ཡིན།། དེ་བསྒོམ་པ་ནི་སྒོམ་པ་ཡིན།། དེ་སྤྱོད་པ་ནི་སྤྱོད་པ་ཡིན།། བྱང་ཆུབ་སེམས་དཔའ་རྒྱུན་གྱི་འབྲས་བུ་ཆེན་པོ་འཐོབ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། སེམས་ཙམ་བལྟ་བ
iiif viewer powered by OpenSeadragon
