| e-texts navigator |
| Wylie |
270a1 དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཉན་ཐོས་རང་རྒྱལ་འཁྲུལ་པའི་རྒྱུ་དང་འདྲ་གཞི་དང་།། དེ་ཡི་བལྟ་བསྒོམ་སྤྱོད་པའི་འབྲས་བུ་དེ།། གང་ལས་བྱུང་ཞིང་གང་ལ་སྤྱོད་པ་ལགས།། སྟོན
270a2 པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུའི་ཡོན་ཏན་མི་འགྱུར་ཡན་ལག་ལས།། ཡན་ལག་གྲངས་མེད་མི་འགྱུར་གནས་པ་དེས།། རང་རྒྱལ་དག་གིས་ཡན་ལག
270a3 བཅུ་གཉིས་རྟོགས།། ཡན་ལག་དེ་ཉིད་འཁྲུལ་པའི་རྒྱུ་བྱས་ནས།། ཆོས་སྐུ་མ་མཐོང་ཡན་ལག་མཐོང་བས་འཁྲུལ།། ཆོས་སྐུའི་ཡན་ལག་བཅུ་གཉིས་མཐོང་བ་དང་།། རྟེན་ཅིང་འབྲེལ་པ་བཅུ་གཉིས་འདྲ་མཐུན
270a4 པས།། འདྲ་མཐུན་རིགས་མཐུན་འདྲ་བ་འདུས་པ་ཡིས།། རང་རྒྱལ་འཁྲུལ་པའི་འདྲ་གཞི་བྱས།། ཡན་ལག་ཆོས་ཀྱི་རྩལ་དེ་ལ།། རྩལ་ལ་རྟེན་འབྲེལ་དུ་མར་མཐོང་བ་ཡིས།། ཕྱི་ཡང་རྟེན་ཅིང་འབྲེལ་པར་མཐོང་བ
270a5 དང་།། ནང་ཡང་རྟེན་ཅིང་འབྲེལ་པར་སྣང་བ་ཡིན།། རྟེན་ཅིང་འབྲེལ་པས་ཐམས་ཅད་བྱེད་པ་ཡིན།། ཆོས་སྐུ་རིག་པ་མེད་པ་ཡིས།། དེ་ཡི་མཐོང་སྟངས་སྣང་བ་ཡིས།། མ་རིག་པ་ལས་བྱུང་བར་མཐོང་།། མ་རིག་པ
270a6 དང་འདུ་བྱེད་དང་།། རྣམ་པར་ཤེས་པ་མིང་དང་གཟུགས།། སྐྱེ་མཆེད་དྲུག་དང་རེག་པ་དང་།། ཚོར་བ་སྲེད་པ་ལེན་པ་དང་།། སྲིད་པ་སྐྱེ་བ་རྒ་ཤིའོ།། མ་རིག་པ་ལ་བརྟེན་ནས་སུ།། ཐམས་ཅད་དེ་བཞིན་དུ་བྱུང
iiif viewer powered by OpenSeadragon
