| e-texts navigator |
| Wylie |
26a1 པའི་རྒྱུ་ཉིད་ལས།། འབྲས་བུ་རང་བཞིན་མེད་པ་འབྱུང་།། སྤྲོས་པ་ཉེ་བར་ཞི་བ་དེ།། གསང་བ་དམ་པ་འདི་ཡིས་བསྒྲུབ།། དེ་མ་ཐག་ཏུ་ཡེ་ཤེས་འགྱུར།། དབྱིངས་དང་ཡེ་ཤེས་གཉིས་མེད་ན།། ཆོས་སྐུ
26a2 བདེ་བ་ཆེན་པོར་འགྱུར།། དེ་ནས་བཅོམ་འདས་དེ་བཞིན་གཤེགས་པ་དགྱེས་པ་ཆེན་པོ་དེས།། དམ་པའི་དོན་སྒྲུབ་པའི་ཐབས། གསང་བ་ཆེན་པོ་འདི་གསུངས་སོ།། ཀུན་ལ་ཁྱབ་པའི་རང་བཞིན་ནི།། ཐ་དད་དུ་མ
26a3 མེད་པ་སྟེ།། ཅིར་ཡང་དམིགས་སུ་མེད་པའོ།། ཤེས་རབ་ཐབས་ཀྱི་ཕྱག་རྒྱར་ལྡན།། བདག་གི་དེ་ཉིད་རིགས་ཀྱི་ནི།། རླུང་གི་རིམ་པ་ཡང་དག་འཇུག། སྦྱོར་བའི་ཡན་ལག་བཞི་དང་ལྡན།། མཚམས་ཀྱི་འོད་ཟེར
26a4 ལྕགས་ཀྱུ་ཡིས།། རྒྱལ་བའི་ཚོགས་རྣམས་སྤྱན་དྲངས་གྱུར།། ཆོས་ཀྱི་དབྱིངས་སུ་ཞུ་མཛད་དོ།། ཞུ་བས་མྱོས་ནས་མི་རྟོག་བདེ།། འཁོར་བ་མྱ་ངན་འདས་པ་ཡིས།། མཐའ་ནི་གང་ལའང་མི་གནས་སོ།། ཤེས་རབ་ཡེ
26a5 ཤེས་དབང་ཆེ་སྟེ།། ཤེས་རབ་ཅེས་པ་མྱ་ངན་འདས།། ཡེ་ཤེས་ཞེས་པས་འཁོར་བ་གསུངས།། དགའ་དང་གཞན་དགའ་དཔའ་བོ་དགའ།། དགའ་བ་འདུས་པའི་བདག་ཉིད་ཅན།། དགའ་བ་ཡང་དག་ལས་བྱུང
26a6 བའི།། མི་རྟོག་བདེ་དང་ལྡན་པའོ།། སྟོང་པ་ཤིན་ཏུ་སྟོང་པ་སྟེ།། དངོས་མེད་སྟོང་པ་ཆེན་པོ་ལ།། དངོས་དང་དངོས་མེད་གཉིས་ཀ་མེད།། སྟོང་པའི་རང་བཞིན་མཚན་མ་མེད།། དེ་ཡི་ཕྱིར་ན་སྟོང་པ་མིན།། མི་སྟོང་པ
iiif viewer powered by OpenSeadragon
