| e-texts navigator |
| Wylie |
269a1 སྣང་བ་དུ་མ་ཡང་།། རྡུལ་གཅིག་འདུས་པའི་སྣང་བ་ཡིན་པར་རྟོགས།། བདེ་གཤེགས་ཡེ་ཤེས་སེམས་སུ་སྣང་བ་ཡང་།། གསལ་བའི་རྡུལ་རྣམས་དུ་མ་འདུས་པ་ལས།། བདེ་བར་གཤེགས་པའི་སྣང
269a2 བར་བྱུང་བ་ཡིན།། འགྲོ་དྲུག་བག་ཆགས་སེམས་སུ་སྣང་བ་ཡང་།། མུན་པའི་རྡུལ་རྣམས་དུ་མ་འདུས་པ་ལས།། འགྲོ་དྲུག་བག་ཆགས་སོ་སོའི་སྣང་བ་བྱུང་།། རིག་མེད་རྡུལ་རྣམས་དུ་མ་འདུས་པ་ལས།། ཕྱི་ཡི་སྣོད
269a3 ཀྱི་སྣང་བར་བྱུང་བ་ཡིན།། སྣང་བ་དུ་མར་སྣང་མོད་ཀྱང་།། རྡུལ་རྣམས་འདུས་པའི་སྣང་བ་ཡིན་པར་རྟོགས།། གསལ་བའི་རྡུལ་དེས་ཀུན་ལ་ཁྱབ་པས་ན།། དེ་ལྟར་རྟོགས་ན་རྟོགས་པའི་ལྟ་བ་ཡིན།། དེ་ལ་མ་ཡེངས
269a4 འཛིན་ན་སྒོམ་པ་ཡིན།། བག་ཆགས་རྡུལ་དེ་གྲོལ་བར་བྱ་བའི་ཐབས།། ལུས་ངག་ཡིད་གསུམ་དག་པར་སྤྱོད་པ་ཡིས།། གསལ་བའི་རྡུལ་དེ་ཐོབ་པས་ན།། འཕགས་པ་དགྲ་བཅོམ་པ་ཡི་འབྲས་བུ་འཐོབ་པ
269a5 ཡིན།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཉན་ཐོས་འཁྲུལ་པའི་ལེའུ་སྟེ་ཉེར་བརྒྱད་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཉན་ཐོས་རང་སྣང
269a6 པ་ཡི་རྒྱུ་དང་འདྲ་གཞི་དང་།། རྟོགས་པའི་བལྟ་བ་ཉམས་ཀྱི་བསྒོམ་པ་དང་།། དེ་ཡི་སྤྱོད་པ་དེ་ཡི་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུའི
iiif viewer powered by OpenSeadragon
