| e-texts navigator |
| Wylie |
268b1 ཤར་བ་ལས།། འབྱུང་བའི་རྡུལ་གྱི་སྦུབས་སུ་ཆུད་པས་ན།། ཕུང་པོ་ལྔ་ལ་སོགས་པ་སྣང་བ་ཡིན།། རྡུལ་གཅིག་སྟེང་ནས་རྡུལ་གནས་པས།། རྡུལ་ལས་མ་གྲུབ་གང་ཡང་མེད།། རྡུལ་དེའི་མཚན་ཉིད་ཤེས་པ་ན།། དེ
268b2 རྟོགས་པ་ཡི་ལྟ་བ་ཡིན།། རྡུལ་དེའི་མཚན་ཉིད་བརྟན་པར་སྒོམ་པས་ན།། མུན་པའི་རྡུལ་ལས་གྲོལ་བས་ན།། གསལ་བའི་རྡུལ་ཉིད་སྣང་བ་ལས།། རྡུལ་དེ་སྣང་བ་བརྟན་པ་ཐོབ་པ་ན།། ཁྲུས་དང་གཙང་སྦྲ་དག་ལ
268b3 བརྟེན་པ་ན།། འབྱུང་བའི་རྡུལ་དེ་བག་ཆགས་དག་པར་འདོད།། འབྱུང་བའི་རྡུལ་དེའི་བག་ཆགས་དག་པ་ཡིས།། འཕགས་པ་དགྲ་བཅོམ་པ་ཡི་འབྲས་བུ་འཐོང་།། རིན་པོ་ཆེ་རྒྱས་པ་ཆེན་པོའི་རྒྱུད་ལས། ཉན་ཐོས་བྱེ
268b4 བྲག་ཏུ་སྨྲ་བའི་ལེའུ་སྟེ་ཉེར་བདུན་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཉན་ཐོས་མདོ་སྡེ་པ་ཡི་བལྟ་བ་འཁྲུལ་པའི་རྒྱུ་ཉིད་དང་།། འཁྲུལ་པའི
268b5 འདྲ་གཞི་རྟོགས་པའི་བལྟ་བ་དང་།། ཉམས་ཀྱི་སྒོམ་པ་སྤྱོད་པའི་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་རང་བྱུང་ཡན་ལག་འགྱུར་མེད
268b6 པས།། འགྱུར་མེད་ཡན་ལག་གཅིག་ཏུ་སྣང་བ་དེས།། བྱུང་བར་མ་མཐོང་ཡན་ལག་གཅིག་སྣང་ལ།། མཐོང་སྟངས་དེ་ཡི་འཁྲུལ་པའི་རྒྱུ་ཉིད་བྱས།། རྡུལ་དུ་མཐོང་བས་འཁྲུལ་པའི་འདྲ་གཞི་བྱས།། ཕྱི་དང་ནང་གི
iiif viewer powered by OpenSeadragon
