| e-texts navigator |
| Wylie |
267b1 གྲུབ་པས།། གང་གིས་བྱ་རུ་མེད་ཅིང་བྱེད་རྒྱུ་མེད་པར་རྟོགས།། སྣང་བའི་ཆོས་རྣམས་ཐམས་ཅད་མ་ལུས་ཀྱང་།། སྣང་བ་ཇི་ལྟར་སྣང་ཡང་སེམས་ལ་གོས་པ་མེད།། སེམས་དང་ཡུལ་ནི་ཐ་དད་གཉིས་སུ
267b2 རྟོགས།། སེམས་དེའི་ངོ་བོ་བལྟར་མེད་བསྒོམ་དུ་མེད།། སེམས་ལ་གོས་པ་མེད་པས་ཡུལ་ཉིད་གང་དགར་སྤྱད།། རྒྱུ་ལས་བྱུང་བ་འབྱུང་བ་དེ་ལྟར་རྟོགས།། སེམས་ཀྱི་ངོ་བོ་དེ་ལྟར་གནས་པ་ཡིན།། རྒྱུ་ལས་བྱུང་བར
267b3 རྟོགས་པ་བྱུང་བའི་མུ་སྟེགས་ཡིན།། རྟོགས་པ་དེ་ལྟར་འབྱུང་བས་འབྱུང་བའི་མུ་སྟེགས་ཡིན།། འབྲས་བུ་དེ་ལྟར་གྲུབ་པས་བྱུང་ནས་གནས་པའི་མུ་སྟེགས་ཡིན།། རྒྱུ་ཉིད་ཕྱལ་བར་བྱུང་བས་རྟོགས་ཕྱལ་བྱུང་།། རྟོགས
267b4 པ་ཕྱལ་པ་བྱུང་བས་ལྷ་བསྒོམ་ཕྱལ་པ་བྱུང་།། འབྲས་བུ་ཕྱལ་པ་བྱུང་ནས་གནས་པ་ཡིན།། རིན་པོ་ཆེ་རྒྱས་པ་ཆེན་པོའི་རྒྱུད་ལས། མུ་སྟེགས་ཕྱལ་པ་འཁྲུལ་པའི་ལེའུ་སྟེ་ཉེར་དྲུག་པའོ།། །། སྡུད་པའི་གསང
267b5 དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཉན་ཐོས་བྱེ་བྲག་སྨྲ་བ་འཁྲུལ་པའི་རྒྱུ་དང་ནི།། རྐྱེན་དང་འཁྲུལ་པའི་འདྲ་གཞི་དང་།། ལྷ་བསྒོམ་སྤྱོད་པ་འབྲས་བུ་ཇི་ལྟ་བུ།། སྟོན་པའི་སྟོན
267b6 པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཉན་ཐོས་བྱེ་བྲག་སྨྲ་བ་འཁྲུལ་པའི་རྒྱུ་ཉིད་ནི།། སྐུ་ཡི་རྩལ་ཉིད་མ་འགགས་སྣ་ཚོགས་སྣང་བ་ལ།། ངོ་བོ་མ་མཐོང་རྩལ་ཉིད་མཐོང་བ
iiif viewer powered by OpenSeadragon
