| e-texts navigator |
| Wylie |
267a1 རྟོགས་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། མུ་སྟེགས་ཆད་པ་འཁྲུལ་པའི་ལེའུ་སྟེ་ཉེར་ལྔ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ
267a2 ལ།། མུ་སྟེགས་ཕྱལ་པའི་འཁྲུལ་པའི་རྒྱུ་དང་ནི།། འཁྲུལ་པའི་འདྲ་གཞི་རྟོགས་པའི་ལྟ་བ་དང་།། སྒོམ་དང་སྤྱོད་པ་འབྲས་བུ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས
267a3 དཔའ་ལ།། ཆོས་སྐུའི་རང་བཞིན་ཅི་ཡང་མེད་པ་ལས།། ཅི་ཡང་མ་ཡིན་ཅིར་ཡང་སྣང་བ་དེ།། སྣང་བ་དེ་དང་སྐུ་ཡི་ངོ་བོ་གཉིས།། གཅིག་ཏུ་མ་མཐོང་ཐ་དད་མཐོང་བ་དེས།། ཐ་དད་སྣང་བས་འཁྲུལ་པའི་རྒྱུ་ཉིད
267a4 བྱས།། དེ་ལས་བྱུང་བའི་སྣང་བ་དེ་ཉིད་ལས།། ཕྱི་ཉིད་སྟོང་པ་ནམ་མཁའ་ལྟ་བུར་མཐོང་།། ནང་གི་རིག་པ་གང་དུ་མ་གྲུབ་པས།། རིག་པ་དེ་ཡང་ནམ་མཁའ་ལྟ་བུར་མཐོང་།། རིག་པ་ཉིད་དང་རིག་པའི་རྩལ་དེ
267a5 ལ།། མུ་སྟེགས་ཕྱལ་པ་འཁྲུལ་པའི་འདྲ་གཞི་བྱས།། རིག་པའི་ངོ་བོ་སྟོང་པར་གནས་པ་དང་།། རིག་པའི་རང་འོད་རང་བཞིན་མེད་པ་ཡིས།། སེམས་ཀྱི་རང་བཞིན་སྟོང་པར་གནས་པ་དང་།། སེམས་དེས་ཡུལ་ཡང
267a6 སྟོང་པར་མཐོང་བ་ཡིས།། དེ་གཉིས་འདྲ་མཐུན་རིགས་མཐུན་འདྲ་བ་འདུས་པ་ཡིས།། དེ་ཡིས་མུ་སྟེགས་འཁྲུལ་པའི་འདྲ་གཞི་བྱས།། སེམས་དེའི་རང་བཞིན་བཙལ་ཀྱང་མི་རྙེད་པས།། སེམས་དེའི་ངོ་བོ་གང་ཡང་མ
iiif viewer powered by OpenSeadragon
