| e-texts navigator |
| Wylie |
266b1 སྟེགས་རྟག་པ་འཁྲུལ་པའི་ལེའུ་སྟེ་ཉེར་བཞི་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། མུ་སྟེགས་ཆད་པ་འཁྲུལ་པའི་རྒྱུ་དང་འདྲ་གཞི་དང་།། རྟོགས
266b2 པའི་ལྷ་སྒོམ་སྤྱོད་པ་འབྲས་བུ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྐུ་ཉིད་སྟོང་པ་རྩལ་ཉིད་འགག་མེད་པས།། རྩལ་གྱི་ཡན་ལག་སྟོང་པར་མཐོང་བ
266b3 ལས།། རྩལ་དང་སྟོང་པ་དབྱེར་མེད་མ་རྟོགས་པས།། རྩལ་ཉིད་རིས་སུ་ཆད་པས་སྟོང་པར་མཐོང་བ་དེས།། མུ་སྟེགས་ཆད་པ་འཁྲུལ་པའི་རྒྱུ་བྱས་སོ།། རྩལ་ཉིད་སྟོང་པར་མཐོང་པས་འཁྲུལ་པའི་འདྲ་གཞི་བྱས།། མུ
266b4 སྟེགས་རྟོག་པ་ཅི་ཡང་མེད་པ་དང་།། རྩལ་གྱི་སྣང་བ་ཅི་ཡང་མེད་པ་གཉིས།། འདྲ་མཐུན་རིགས་མཐུན་འདྲ་བ་འདུས་པ་ཡིས།། མུ་སྟེགས་ཅི་ཡང་མེད་པས་འདྲ་གཞི་བྱས།། ཕྱི་ནང་ཐམས་ཅད་མེད་པར་མཐོང་བ
266b5 ཡིས།། ཕ་མ་གཉེན་ཚན་སྦྱོར་བ་མེད་པ་དང་།། རྒྱུ་དང་འབྲས་བུ་ཐམས་ཅད་མེད་པར་རྟོགས།། ཅི་ཡང་མེད་ཅེས་ཟེར་ནས་ཐམས་ཅད་མེད་པར་བསྒོམ།། སེམས་དེ་ཕྱི་ནང་མེད་པས་ན།། ལུས་ཀྱང་སེམས་ཀྱི་ངང་ལ
266b6 ཞི།། དགེ་བ་བྱས་ཀྱང་སེམས་ལ་ག་ན་ཕན།། སྡིག་པ་སྤྱོད་ཀྱང་སེམས་ལ་ག་ན་གནོད།། ནམ་མཁའ་དག་ལ་སྤྲིན་དེངས་བཞིན།། སླར་སྐྱེ་བ་དག་ག་ལ་སྲིད།། དེ་ཡི་བག་ཆགས་འབྲས་བུ་ཡིས།། ཅི་ཡང་མེད་ཅེས
iiif viewer powered by OpenSeadragon
