| e-texts navigator |
| Wylie |
266a1 བཞིན་མི་འགྱུར་བས།། སྟོང་པ་མ་མཐོང་མི་འགྱུར་མཐོང་བ་ཡིས།། མི་འགྱུར་བ་དེ་རྟག་པའི་བདག་ཏུ་བཟུང་།། ས་དང་ཆུ་དང་མེ་དང་རླུང་རྣམས་ཀྱང་།། ཕྱི་ཡི་སྣོད་ཀྱང་དེ་ལས་བྱུང་བར
266a2 མཐོང་།། གཟུགས་དང་ཚོར་བ་འདུ་ཤེས་འདུ་བྱེད་དང་།། རྣམ་པར་ཤེས་པ་ལ་སོགས་ཐམས་ཅད་ཀུན།། ནང་གི་བཅུད་ཀྱང་དེ་ཡིས་བསྐྱེད་པར་མཐོང་།། ཐམས་ཅད་དེ་ལས་བྱུང་བས་བྱེད་པའི་བདག་ཏུ
266a3 མཐོང་།། མི་འགྱུར་གནས་པས་རྟག་པ་གཅིག་པུར་བཟུང་།། རྒྱུད་ཉིད་བྱེད་པ་པོ་དག་བདག་ཏུ་མཐོང་།། མཐོང་བའི་བག་ཆགས་ཞེན་ཅིང་ཆགས་པ་ཡིས།། འབྲས་བུ་བྱེད་པ་པོ་ཡི་བདག་ཉིད་དེ།། དཀར་ལ་འཚེར
266a4 ལ་སྣུམ་ལ་འགྲིལ་པར་ཡོད།། ཙིཏྟ་གཞལ་ཡས་ཁང་ན་དེ་གནས་སོ།། ཆེ་ན་མཐེ་བོང་ཆུང་ན་ཡུངས་འབྲུ་ཙམ། ནང་གི་རིག་པ་ཀུན་ཀྱང་དེ་ལས་བྱུང་།། ཕྱི་ཡི་ཡུལ་རྣམས་ཀུན་ཀྱང་དེ་ལས་བྱུང་།། ཐམས་ཅད་དེ་ལས
266a5 བྱུང་ཞིང་དེས་བསྐྱེད་པས།། རྟག་ཅིང་བྱེད་པ་པོ་ཡི་བདག་ཉིད་དེ།། བདག་ཉིད་རྟག་པ་བྱེད་པ་པོ་རུ་རྟོགས།། རྟོགས་པ་དེ་ལྟར་བརྟན་པ་བསྒོམ་པ་ཡིན།། སྲོག་དང་ལོངས་སྤྱོད་ཐམས་ཅད་མཆོད་པ
266a6 ཡིས།། ཕྱའམ་དབང་ཕྱུག་བྱེད་པ་པོ་དགའ་ནས།། ཤི་ཡང་དེ་ཡི་འབྲས་བུ་དེ་ཡིས་འཐོབ།། རྒྱུ་དང་རྐྱེན་དང་འདྲ་གཞི་ནི།། མི་འགྱུར་བ་ལ་བདག་ཏུ་མཐོང་བས་བྱས།། རིན་པོ་ཆེ་རྒྱས་པ་ཆེན་པོའི་རྒྱུད་ལས། མུ
iiif viewer powered by OpenSeadragon
