| e-texts navigator |
| Wylie |
265b1 དངོས།། རང་སོར་བཞག་ཡང་འཁྲུལ་པའི་སྣང་བ་ཉིད།། སྒྱུ་མ་དག་གི་འཁྲུལ་པའི་སྣང་བ་ནི།། ཡོད་པ་སྒྱུ་མའི་དཔེ་བརྒྱད་ནི།། ཆུ་ཟླ་ལ་སོགས་གཟུགས་བརྙན་བཞིན།། དེ་ཡང་དངོས་ཀྱི་སྣང་བར་འཛིན།། མེད་པ
265b2 སྐུསྒྱུ་མའི་དཔེ་བརྒྱད་ནི།། སྨིག་རྒྱུ་ཆུ་མེད་ཆུར་མཐོང་བཞིན།། སྤྲུལ་པ་དག་གི་སྒྱུ་མ་དང་།། སྒྱུ་མ་དག་གི་སྒྱུ་མ་དང་།། སྨིག་རྒྱུ་དག་གི་སྒྱུ་མ་ཀུན།། དེ་རྣམས་སྒྱུ་མའི་འཁྲུལ་པའོ།། ལོག་པ་དག་གི་འཁྲུལ་པ་ནི།། རྨི
265b3 ལམ་བདེ་དང་སྡུག་བསྔལ་ལ།། སད་ན་རང་བཞིན་མེད་བཞིན་དུ།། དེ་ལ་དམ་པའི་དོན་བྱས་ནས།། ལོག་པའི་བག་ཆགས་སྣང་བྱེད་པ།། བག་ཆགས་དེ་ཡིས་བསྒོས་པས་ན།། ལོག་པ་དག་གི་འཁྲུལ་པ་ཡིན།། ཕྱི
265b4 དང་ནང་གི་ཐེག་པ་ཡང་།། གཉིས་འཛིན་བྱུང་ན་འཁྲུལ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་པ་ལས་བྱུང་བའི་རིགས་བསྟན་པའི་ལེའུ་སྟེ་ཉེར་གསུམ་པའོ།། །། སྡུད་པའི་གསང་དབང་རྡོ་རྗེ
265b5 སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་སྐུ་རང་བྱུང་དབྱེར་མེད་གཅིག་པ་ལས།། ཕྱི་རོལ་མུ་སྟེགས་རྟག་པ་འཁྲུལ་པའི་རྒྱུ་ཉིད་དང་།། དེ་ཡི་སྐྱེད་པའི་རྐྱེན་གྱི་འདྲ་གཞི་དང་།། དེ་ལྟར
265b6 རྟོགས་པའི་བལྟ་བ་དང་།། དེ་ལས་བྱུང་བའི་བསྒོམ་པ་དང་།། དེས་བསྐྱེད་འབྲས་བུ་འཁྲུལ་པ་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཆོས་སྐུ་སྟོང་པ་རང
iiif viewer powered by OpenSeadragon
