| e-texts navigator |
| Wylie |
265a1 འཁྲུལ་པ་ཡིན།། སྣོད་དུ་སྣང་བ་འདི་དག་ཀུན།། སྟོང་པའི་རྩལ་ལས་བྱུང་བར་མ་ཤེས་འཁྲུལ།། བཅུད་དུ་སྣང་བ་འདི་དག་ཀུན།། རིག་པའི་ཟེར་ལས་བྱུང་བར་མ་ཤེས་འཁྲུལ།། དབྱེར་མེད་གཅིག་ཏུ
265a2 མ་ཤེས་པས།། ཐེག་པ་སྣ་ཚོགས་འཁྲུལ་པ་ཡིན།། གཅིག་ལས་མེད་དེ་སོ་སོར་སྣང་བ་འཁྲུལ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་གཞི་ཐ་དད་ལེའུ་སྟེ་ཉེར་གཉིས་པའོ།། །། སྡུད་པའི་གསང་དབང
265a3 རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། དོན་དམ་དག་གི་འཁྲུལ་པ་དང་།། ཀུན་རྫོབ་དག་གིས་འཁྲུལ་པ་དང་།། སྒྱུ་མ་དག་གི་འཁྲུལ་པ་དང་།། ལོག་པ་དག་གི་འཁྲུལ་པ་གང་།། སྟོན་པའི
265a4 སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། དོན་དམ་དག་ལ་འཁྲུལ་པ་མི་མངའ་ཡང་།། ཞེན་ཅིང་ཆགས་ནས་འཁྲུལ་ཞེས་བྱ་བ་ཡིན།། ཆོས་ཉིད་རང་བཞིན་སྟོང་པར་གནས་པ
265a5 ལ།། སྟོང་པ་སྟོང་པར་བཟུང་ན་འཁྲུལ་ཞེས་བྱ།། སྟོང་པ་ཉིད་ཀྱང་སྟོང་པ་ཉིད་ཀྱིས་གྲོལ།། དཔེར་ན་བསམ་གཏན་དང་པོའི་ཏིང་འཛིན་བདེ་བ་ལ།། ཆགས་ཤིང་ཞེན་ན་དེ་ཡང་འཁྲུལ་པ་ཡིན།། ཀུན་རྫོབ་དག་གི
265a6 འཁྲུལ་པའི་སྣང་བ་ནི།། རྣམ་ཤེས་བརྒྱད་ལ་བརྟེན་པའི་འཁྲུལ་པ་དང་།། སྒོ་ལྔ་ཡུལ་ལྔ་བརྟེན་པའི་འཁྲུལ་པ་ཡིས།། དགེ་བ་བྱས་ཀྱང་ཉོན་མོངས་འཁྲུལ་པའི་ངང་།། མི་དགེ་བྱས་ཀྱང་ཉོན་མོངས་འཁྲུལ་པ
iiif viewer powered by OpenSeadragon
