| e-texts navigator |
| Wylie |
264b1 པའི་སྣང་བ་ནི།། ཡན་ལག་རིག་པའི་ངོ་བོ་ཡུལ་ལ་མི་སྤྱོད་པ།། རིག་པ་རང་སོར་ནང་གསལ་གནས་པ་ལས།། མ་རིག་པ་ཞེས་བརྟགས་ཏེ་མ་རིག་པ་རུ་བཟུང་།། སྟོང་པར་མ་ཤེས་ཡུལ་དུ་མ་ཤེས་པས།། མ་རིག་པ
264b2 ཞེས་བྱ་བར་སྣང་བ་ཡིན།། རྒྱུ་ཉིད་རང་ལས་བྱུང་བའི་མ་རིག་པས།། རང་ལས་བྱུང་བའི་སྣང་བ་གཞན་དུ་བཟུང་།། བཟུང་བ་རང་གིས་ཡུལ་གཞན་ཉིད་དུ་སྣང་།། ཡུལ་གྱིས་རིག་པ་སྒྲིབ་པས་རྐྱེན་གཞན་མ་རིག
264b3 པ།། རྒྱུ་ལས་བྱུང་བའི་མ་རིག་པ་རུ་མཐོང་།། རྒྱུ་མེད་དག་ལས་བྱུང་བའི་འཁྲུལ་བ་ནི།། རང་བྱུང་ཆོས་སྐུ་གདོད་ནས་དག་པ་ཡི།། དེ་ལས་བྱུང་བའི་ཡན་ལག་རིག་པ་ཡང་།། མ་བཅོས་སྙིང་པོ་གདོད་ནས་དག་པ
264b4 ཡིས།། དེ་ལ་རྣམ་རྟོག་འཁྲུལ་པ་གང་ཡང་མེད།། རིག་པའི་ངོ་བོ་སྟོང་པར་གནས་པ་གཏིང་གསལ་ཡིན།། རིག་པའི་ཡན་ལག་ངང་གིས་དག་པ་རང་གསལ་ཡིན།། རིག་པ་གསལ་བར་ཆས་པ་འོད་གསལ
264b5 ཡིན།། འཁྲུལ་ཞེས་བྱ་བ་བཏགས་པ་ཙམ།། མིན་པར་ཡིན་པར་བཟུང་བས་འཁྲུལ།། དོན་ལ་འཁྲུལ་ཞེས་བྱ་བར་མེད།། རྒྱུ་མེད་གློ་བུར་བཏགས་པ་ཙམ།། འདྲ་གཞི་ཡོད་པའི་འཁྲུལ་པ་ནི།། སྐྱེ་མཆེད་མུ་བཞི་པ་ཡི
264b6 འདྲ་གཞི་ནི།། རིག་པ་གསལ་བ་རང་གིས་བྱས།། སྣོད་དུ་འཁྲུལ་བའི་འདྲ་གཞི་ནི།། རིག་པ་ཕྱི་རུ་གསལ་བར་བྱས།། འདྲ་གཞི་མེད་པའི་འཁྲུལ་པ་ནི།། སྐྱེ་མཆེད་མུ་བཞིའི་གནས་རྣམས་དང་།། སྲིད་པ་བར་དོར
iiif viewer powered by OpenSeadragon
