| e-texts navigator |
| Wylie |
264a1 རྟོགས་པས།། འཁྲུལ་པའི་སྣང་བ་སོ་སོར་བྱུང་བ་ཡིན།། གཞི་གཅིག་དག་ལས་སྣ་ཚོགས་སྣང་བར་བྱུང་བའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། བཅུད་དུ་འཁྲུལ་པ་བསྟན་པའི་ལེའུ་སྟེ་ཉེར
264a2 གཅིག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྤྱི་ཡི་སྤྱི་ལས་འཁྲུལ་པ་བྱུང་བ་ཇི་ལྟ་བུ།། རྒྱུད་ལས་བྱུང་བའི་འཁྲུལ་པ་ཇི་ལྟ་བུ།། རྒྱུ་མེད་འཁྲུལ་པ
264a3 བྱུང་བ་ཇི་ལྟ་བུ།། འདྲ་གཞི་ཡོད་པའི་འཁྲུལ་པ་ཇི་ལྟ་བུ།། འདྲ་གཞི་མེད་པའི་འཁྲུལ་པ་ཇི་ལྟ་བུ།། སྟོན་པའི་སྟོང་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྤྱི་ཡི་སྤྱི་ལས་འཁྲུལ་པ
264a4 ནི།། རིག་པ་མི་རྟོག་རང་སོར་གནས་པ་དེ།། རིག་པའི་རྩལ་ནི་རྣམ་པ་གཉིས་སུ་ཤར།། རིག་པ་དེ་ཉིད་སྟོང་པར་རྟོགས་པ་ཡིས།། ཡུལ་དང་ཡུལ་ཅན་གཉིས་མེད་རིག་པ་རང་གསལ་བ།། དེ་ལས་ཐམས་ཅད་འབྱུང
264a5 བར་ཤེས་པ་ཡིན།། རྟོགས་ཏེ་སངས་རྒྱས་བྱུང་བའི་གཞི་ཡང་བྱས།། རིག་པ་དེ་ཉིད་ངོ་བོ་སྟོང་པར་མ་རྟོགས་པས།། རིག་པ་རང་གསལ་འོད་དུ་མཐོང་བ་ཡིན།། འོད་དང་རིག་པ་གཉིས་སུ་སྣང་བ་བྱུང་།། འོད་དེའི
264a6 ཡུལ་ལས་རིག་པ་སྣ་ཚོགས་བརྟགས།། ཁམས་གསུམ་མ་རྟོགས་སེམས་ཅན་འབྱུང་བའི་གཞི།། རིག་པ་སྤྱི་ལ་གཉིས་སུ་མཐོང་བ་ཡིས།། སྤྱི་ཡི་སྤྱི་ལས་འཁྲུལ་པར་སྣང་བ་བྱུང་།། རྒྱུ་ལས་བྱུང་བའི་འབྲས་བུའི་འཁྲུལ
iiif viewer powered by OpenSeadragon
