| e-texts navigator |
| Wylie |
263b1 ཆགས་སྣང་།། འོད་དེ་མཚན་མར་མཐོང་བས་འདུ་ཤེས་བཟུང་།། བཟུང་བ་རང་གིས་འདུ་ཤེས་མཚན་མར་གསལ།། གསལ་བའི་བག་ཆགས་འདུ་ཤེས་ཉིད་དུ་སྣང་།། འོད་དེ་གཡོ་བར་མཐོང་བས་འདུ་བྱེད་ཉིད་དུ
263b2 སྣང་།། གཡོ་བའི་བག་ཆགས་འདུ་བྱེད་ཉིད་དུ་གསལ།། འོད་དེས་ཐམས་ཅད་བསྐྱེད་པས་རྣམ་པར་ཤེས་པར་བཟུང་།། བཟུང་བའི་བག་ཆགས་རྣམ་པར་ཤེས་པ་སྣང་།། དེ་ལ་ཞེན་པས་འདོད་ཆགས་དག་ཏུ
263b3 བྱུང་།། ཤིན་ཏུ་གསལ་བས་ཞེ་སྡང་དག་ཏུ་བྱུང་།། བྱུང་བར་མ་ཤེས་མ་རིག་པ་རུ་བྱུང་།། དེ་ཉིད་གྲུབ་པས་ང་རྒྱལ་དག་ཏུ་བྱུང་།། གཉིས་སུ་སྣང་བས་ཕྲག་དོག་དག་ཏུ་བྱུང་།། དེ་རྣམས་གཅིག་ཏུ་འདུས་པས་གཟུགས
263b4 ཀྱི་ཕུང་པོ་གྲུབ།། རིག་པ་རང་གསལ་དབང་པོ་སྒོ་ལྔར་སྣང་།། རིག་པ་རང་འོད་ཡུལ་ལྔའི་སྣང་བར་བཟུང་།། བཟུང་བའི་བག་ཆགས་ལུས་གང་འཁྲུལ་པ་གྲུབ།། རིག་པ་ཡུལ་ལ་སྤྱོད་པ་ཕོ་རུ་བྱུང་།། བཟུང་བའི་བག
263b5 ཆགས་སྐྱེས་པ་ཕོ་རུ་གྲུབ།། རིག་པ་ཡུལ་ལ་མི་སྤྱོད་མོ་རུ་བཟུང་།། བཟུང་བའི་བག་ཆགས་རིག་པ་མོ་རུ་སྣང་།། རིག་པ་རང་སོར་གནས་པ་མ་ནིང་བཟུང་།། བཟུང་བའི་བག་ཆགས་མ་ནིང་དག་ཏུ་སྣང་།། རང་ལས
263b6 བྱུང་བའི་འོད་ཀྱི་སྣང་བ་དང་།། མིང་དུ་བཏགས་པའི་ཡུལ་གྱི་སྣང་བ་གཉིས།། འདྲ་མཐུན་རིག་མཐུན་འདྲ་བར་མཐོང་བ་ཡིས།། འདྲ་གཞི་དེ་ལས་འཁྲུལ་པའི་རྒྱུ་བྱས་སོ།། བྱུང་དང་འབྱུང་དང་བྱུང་ནས་གནས་པ་མ
iiif viewer powered by OpenSeadragon
