| e-texts navigator |
| Wylie |
263a1 རྣམས་རིགས་མཐུན་འདྲ་མཐུན་འདུ་བ་འདས་པ་ཡིས།། འབྱུང་བ་རྣམ་ལྔ་ཁ་དོག་རྣམ་ལྔ་ཡང་།། བྱུང་དང་འབྱུང་དང་བྱུང་ནས་གནས་པ་ལ།། གཟུགས་དང་ཚོར་བ་འདུ་ཤེས་དང་།། འདུ་བྱེད་རྣམ་པར
263a2 ཤེས་པ་ཡང་།། འདྲ་ཞིང་དེ་ལས་འཁྲུལ་པ་ཡིན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་རྣམ་ལྔ་ཡང་།། འདྲ་གཞི་དེ་ལས་བྱུང་བ་ཡིན།། གཟུགས་དང་སྒྲ་དང་དྲི་དང་རོ།། རེག་ལ་སོགས་པའི་ཡུལ
263a3 རྣམས་ཀུན།། ཞིང་གཅིག་དང་ལས་འཁྲུལ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་གཞི་རྩ་བའི་ལེའུ་སྟེ་ཉི་ཤུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ
263a4 བཟང་པོ་ལ། བཅུད་དུ་གྲུབ་པའི་སྣང་བ་འདི་དག་ཀུན།། ཕོ་མོ་མ་ནིང་རང་རྒྱུད་སོ་སོ་དང་།། ལུས་གང་འཁྲུལ་པ་གང་ལྟར་འཁྲུལ་པ་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
263a5 སེམས་དཔའ་ལ།། རང་བྱུང་ཡེ་ཤེས་ཡན་ལག་རིག་སྐྱེས་དེ།། སྔར་གཡོས་མ་མྱོང་ཕྱི་ཉིད་གཡོས་པ་ལས།། རིག་པ་དེ་ཉིད་འོད་དང་ཆས་པ་ལས།། རང་ལས་བྱུང་བའི་སྣང་བར་མ་རྟོགས་པར།། སྣང་བའི་འོད་ལ
263a6 ཡུལ་དུ་བཟུང་བ་ཡིས།། འོད་དེ་གཅིག་ཏུ་མཐོང་བས་གཟུགས་སུ་བཟུང་།། བཟུང་བ་རང་གིས་གཟུགས་ཀྱིས་བག་ཆགས་སྣང་།། འོད་ལས་ཉམས་སུ་མྱོང་བས་ཚོར་བར་བཟུང་།། བཟུང་བ་རང་གིས་ཚོར་བའི་བག
iiif viewer powered by OpenSeadragon
