| e-texts navigator |
| Wylie |
262b1 འོད་ཉིད་ཡུལ་དུ་བཟུང་། བཟུང་བའི་བག་ཆགས་ཞེན་ཅིང་བལྟས་པ་ཡིས།། ཡུལ་དང་ཡུལ་ཅན་གཉིས་སུ་སྣང་བའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་པ་མདོར་བསྡུས་པའི་ལེའུ་སྟེ་བཅུ་དགུ
262b2 པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཆོས་སྐུ་རང་བྱུང་ཡེ་ཤེས་རིག་མེད་དེ།། དེ་ཡི་ཡོན་ཏན་མ་འགགས་ཅིར་ཡང་སྣང་།། ཡོན་ཏན་ཕྱོགས་གཅིག
262b3 སྣང་བ་དེ་དག་ལ།། ཆོས་སྐུ་གསལ་དངས་མི་གཡོ་མི་འགྱུར་རྒྱ་མ་ཆད།། དེ་ཡི་ཡོན་ཏན་སོ་སོར་སྣང་བ་ལས། ཁ་དོག་རྣམ་འབྱུང་རྣམ་ལྔ་གྲུབ་པ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང
262b4 དབང་རྡོ་རྗེ་སེམས་དཔའ་ལ།། གསལ་བ་ཁ་དོག་དཀར་པོར་མཐོང་།། དངས་པ་ཁ་དོག་དམར་པོར་མཐོང་།། མི་གཡོ་ཁ་དོག་སྔོན་པོར་མཐོང་།། མི་འགྱུར་ཁ་དོག་ནག་པོར་མཐོང་།། མི་འགྱུར་ས་ཡིན་སྙམ་སྟེ་ས་རུ
262b5 བཟུང་།། བཟུང་བའི་བག་ཆགས་སྲ་བ་ས་རུ་སྣང་།། གསལ་བ་མེ་ཡིན་སྙམ་སྟེ་མེ་རུ་བཟུང་།། བཟུང་བའི་བག་ཆགས་སྨིན་པ་མེ་རུ་སྣང་།། དངས་པ་ཆུ་ཡིན་སྙམ་སྟེ་ཆུ་རུ་བཟུང་།། བཟུང་བའི་བག་ཆགས་སྡུད་པར
262b6 བྱེད་པ་ཆུ་རུ་སྣང་།། མི་གཡོ་རླུང་ཡིན་སྙམ་སྟེ་རླུང་དུ་བཟུང་།། བཟུང་བའི་བག་ཆགས་གཡོ་བྱེད་རླུང་དུ་བཟུང་།། རྒྱ་མ་ཆད་པ་ནམ་མཁའ་དག་ཏུ་བཟུང་།། བཟུང་བའི་བག་ཆགས་གོ་འབྱེད་ནམ་མཁར་སྣང་།། དེ
iiif viewer powered by OpenSeadragon
