| e-texts navigator |
| Wylie |
262a1 ཉི་མར་བཟུང་བས་འཁྲུལ་ཞེས་བྱ།། དེ་དང་དེ་ལས་བྱུང་བར་མ་ཤེས་སོ།། རྐྱེན་ཉིད་གཞན་ལས་བྱུང་བའི་འཁྲུལ་པ་ནི།། སྐུ་ཡི་རང་བཞིན་ཡུལ་དུ་མེད་པ་ལ།། ཡུལ་དུ་ཆེད་ན་བཟུང་བས་འཁྲུལ་པ
262a2 ཡིན།། དཔེར་ན་སྨིག་རྒྱུའི་ཆུ་ཡི་ཕུང་པོ་དེ།། མེད་ཀྱང་ཆུ་རུ་མཐོང་བ་བཞིན།། འབྲས་བུ་མ་རིག་པ་ཡི་འཁྲུལ་པ་ནི།། ཆོས་རྣམས་ཐམས་ཅད་གཉིས་སུ་མེད་པ་ལ།། ཕྱི་ནང་སྣོད་བཅུད་གཉིས་སྣང་ཡང་།། དེ་ཡི་བག
262a3 ཆགས་ཁམས་གསུམ་འཁོར་བར་སྣང་།། སྒྲ་ཟླ་ལ་སོགས་མེད་མཐོང་བཞིན།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་གཞི་བརྟག་པའི་ལེའུ་སྟེ་བཅོ་བརྒྱད་པའོ།། །། སྡུད་པའི་གསང་དབང་རྡོ་རྗེ་སེམས
262a4 དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། འཁྲུལ་ཞེས་བྱ་བའི་སྣང་བ་འདི་དག་ཀུན།། གང་ལས་གང་བྱུང་ཚད་ཅི་གང་གི་སྒོ།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
262a5 སེམས་དཔའ་ལ།། རིག་པ་མ་གཡོས་རིག་པ་རང་གསལ་བས།། དེ་ལས་བྱུང་བའི་རིག་པ་སྣ་ཚོགས་ནི།། རང་བྱུང་ཡེ་ཤེས་ཡན་ལག་ཆ་ཕྲ་མོ།། གཡོ་མི་གཡོ་ལས་ཡིད་ཙམ་ཟེར་གཡོས་པས།། སྔར་གཡོ་མ་མྱོང་ཕྱིས
262a6 ཉིད་གཡོས་པ་ཡིས།། རིག་པ་རང་གསལ་འོད་དང་ཆས་ནས་བྱུང་།། རིག་པ་རང་ལས་བྱུང་བའི་འོད་དེ་ལ།། ཡིན་མིན་ཡིན་གདེང་ངེས་པའི་ཤེས་པ་སྐྱེས།། འོད་དང་རིག་པ་གཉིས་སུ་སོ་སོར་སྣང་།། རིག་པ་རང་གི
iiif viewer powered by OpenSeadragon
