| e-texts navigator |
| Wylie |
261b1 ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བཞིན་རྣམ་པར་དག་པས་བཅོས་སུ་མེད་པས་ན།། སྐུ་དང་ཡེ་ཤེས་ངོ་བོ་དག་ལ་འཁྲུལ་པ་མེད།། དཔེར་ན་ཆུ
261b2 ཡི་ངོ་བོ་མ་འཁྲུལ་ཆུ་ཡི་རླབས་ཉིད་འཁྲུལ།། མེ་ལོང་ངོ་བོ་མ་འཁྲུལ་གཟུགས་བརྙན་འཁྲུལ།། ཆོས་སྐུ་ངོ་བོ་ཡེ་ནས་རྣམ་དག་པས།། ཆོས་སྐུའི་རྩལ་ཉིད་འགག་པ་མེད་པ་ཡི།། ཡོན་ཏན་མ་འགགས་ཅིར་ཡང་སྣང་བ
261b3 ཡིས།། སྣང་བ་ཡན་ལག་ཡུལ་དུ་བཟུང་བ་ལས།། འབྱུང་བའི་སྣང་བས་འཁྲུལ་པའི་འདྲ་གཞི་བྱས།། འདྲ་གཞི་དེ་ལ་ཆོས་གསུམ་ལྡན་པ་ཡིས།། འདྲ་མཐུན་རིགས་མཐུན་འདྲ་བ་འདུས་པ་ལས།། ཡིད་རྟེན་ཤེས་པ
261b4 སྐྱེས་པས་འཁྲུལ་པའི་བག་ཆགས་སྣང་།། བག་ཆགས་དེ་ཡིས་སྐུ་དང་ཡེ་ཤེས་བསྒྲིབས།། དེ་ལ་གནས་པའི་འཁྲུལ་ཞེས་བྱ་བ་ནི།། གཞན་གྱི་འཁྲུལ་པས་སྐུ་ཉིད་བསྒྲིབས་པ་མིན།། འཁྲུལ་ཞེས་བྱ་བའི་ངོ་བོ་དེ་དག
261b5 ནི།། ཡིན་པ་བཞག་ནས་མིན་པར་བཟུང་བས་འཁྲུལ།། དཔེར་ན་མཐོ་ཡོར་དག་ལ་མི་རུ་བཟུང་བའམ།། ཟག་པ་དག་ལས་སྦྲུལ་གྱི་བློ་བཞིན་ནོ།། རྒྱུ་ཉིད་རང་ལས་བྱུང་བའི་འཁྲུལ་པ་ནི།། སྐུ་དང་སྐུ་ལས་བྱུང་བ་མ
261b6 ཤེས་པར།། དེ་ཉིད་སོ་སོར་སྣང་བར་བཟུང་བ་ཡིས།། བཟུང་བའི་བག་ཆགས་འདྲ་མཐུན་རིགས་མཐུན་ལ།། གཉིས་སུ་བཟུང་བས་འཁྲུལ་ཞེས་བྱ་བ་ཡིན།། དཔེར་ན་ཉི་མའི་སྙིང་པོ་ཉི་མའི་འོད་དེ་ཡང་།། འོད་དང
iiif viewer powered by OpenSeadragon
