| e-texts navigator |
| Wylie |
261a1 ཏན་བསམ་གྱིས་མི་ཁྱབ་པའོ།། བྱང་ཆུབ་སེམས་ནི་སྤུ་གྲིའི་སོ།། ཏིལ་མར་ངར་བཏགས་རལ་གྲི་བཞིན།། གསལ་ལ་དངས་པའི་ཡོན་ཏན་དང་།། འགག་པ་མེད་པའི་ཡོན་ཏན་ལྡན།། རིག་པ་མི་རྟོག
261a2 གཞི་ཉིད་ལས།། རིག་པ་སྐྱེས་པ་བསམ་མི་ཁྱབ།། རྒྱལ་བ་རྡོ་རྗེ་སེམས་དཔའ་ནས།། རྡོ་རྗེ་སྡུག་བསྔལ་ལ་ཐུག་པར།། རིག་པ་དེ་ཡིས་ཀུན་ལ་ཁྱབ།། ཡེ་ཤེས་རིག་པ་གསལ་མི་དཔྱོད།། ཡན་ལག་རིག་སྐྱེས་མི
261a3 གསལ་དཔྱོད་པར་གནས།། སེམས་ཀྱི་རིག་པ་སྐད་ཅིག་འདྲེས་མར་འབྱུང་།། རིག་པའི་སྐྱེ་ལུགས་བསམ་གྱིས་མི་ཁྱབ་པོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། རང་བྱུང་ཡེ་ཤེས་བསྟན་པའི་ལེའུ་སྟེ་བཅུ་བདུན
261a4 པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ཐམས་ཅད་སངས་རྒྱས་ཆོས་སྐུ་ཡིན་པ་ལས།། འཁྲུལ་ཞེས་བྱ་བའི་སྣང་བ་འདི་དག་ཀུན།། སྐུ་ལས་འཁྲུལ
261a5 ལམ་ཡེ་ཤེས་དག་ལས་འཁྲུལ།། དེ་ལས་མ་རྟོགས་རྒྱུ་གཞན་ཞིག་ལས་འཁྲུལ།། སྐུ་ལས་འཁྲུལ་ན་ཀུན་བཟང་ཉིད་ལས་འཁྲུལ།། ཐམས་ཅད་ཀུན་ཏུ་བཟང་པོ་ཡིན་པས་ན།། ཡེ་ཤེས་འཁྲུལ་ན་ཐུག་པ་མེད་པར
261a6 འགྱུར།། རྡོ་རྗེ་སེམས་དཔའ་ཉིད་ཀྱང་འཁྲུལ་ཞེས་བྱ།། རྟོགས་པའི་བལྟ་བསྒོམ་སྤྱོད་པ་དོན་མེད་འགྱུར།། རྒྱུ་གཞན་ཞིག་ལས་འཁྲུལ་ན་སེམས་ན་སངས་རྒྱས་མེད།། འཁྲུལ་ཞེས་བྱ་བའི་སྣང་བ་ཇི་ལྟར
iiif viewer powered by OpenSeadragon
