| e-texts navigator |
| Wylie |
260b1 དག་ལས།། སྐུ་དང་གསུང་དང་ཐུགས་དང་ནི།། ཡོན་ཏན་ཕྲིན་ལས་སྣ་ཚོགས་ནི།། སྐུ་ཉིད་དག་ལས་ཀུན་འབྱུང་བས།། གཞི་ཡི་སྐུ་དང་རང་བཞིན་སྐུ།། ཡན་ལག་སྐུ་ཡིས་ཀུན་ལ་ཁྱབ་པའོ།། རིན་པོ་ཆེ་རྒྱས་པ་ཆེན
260b2 པོའི་རྒྱུད་ལས། ཆོས་སྐུ་བསྟན་པའི་ལེའུ་སྟེ་བཅུ་དྲུག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བྱུང་ཡེ་ཤེས་གནས་ལུགས་དང་།། ངོ་བོ་རྩལ་དང
260b3 ཡོན་ཏན་ཁྱབ་ཚུལ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། འདུ་འབྲལ་མེད་པའི་ཡེ་ཤེས་སྙིང་པོ་དེ།། ཕྱོགས་བཅུ་དུས་བཞི་དེ་བཞིན་གཤེགས་པ་ཡང་།། ཡེ
260b4 ཤེས་དེ་ལ་བདེ་གཤེགས་ཀུན་གྲུབ་པས།། ཐོབ་པ་མ་ཡིན་ཟག་མ་ཡེ་ནས་གནས།། རང་བྱུང་ཡེ་ཤེས་ངོ་བོ་ནི།། རིག་པ་མི་རྟོག་མ་རིག་མ་སྐྱེས་དེ།། རང་རིག་རང་གསལ་གད་ལ་ཁྱབ་པ།། མི་རྟོག་མཉམ་པ་ཆེན་པོར
260b5 གནས།། རང་བྱུང་ཡེ་ཤེས་ཡན་ལག་རིག་སྐྱེས་པས།། རིག་པའི་རྩལ་རྣམས་སྣ་ཚོགས་རིག་པའི་རྩལ།། ལུས་གང་རིག་པའི་རྩལ་ནི་སྒོ་ལྔའི་ཡུལ་དུ་སྣང་།། དེ་ཡི་རྩལ་གྱིས་སྣང་བ་བསམ་གྱིས་མི་ཁྱབ་བོ།། རང་བྱུང
260b6 ཡེ་ཤེས་གཞི་གཅིག་ལས།། རང་བྱུང་ཡེ་ཤེས་སྙིང་པོ་དང་།། ཡན་ལག་རང་བྱུང་ཡེ་ཤེས་དང་།། སེམས་ཀྱི་ཡེ་ཤེས་ཆེན་པོ་དང་།། བྱུང་དང་འབྱུང་ནས་གནས་པའི་ཡེ་ཤེས་སོ།། རིག་པ་འགག་པ་མེད་པ་ཡིས།། ཡོན
iiif viewer powered by OpenSeadragon
