| e-texts navigator |
| Wylie |
260a1 པོ་ལ།། སངས་རྒྱས་ཆོས་ཀྱི་སྐུ་ཡི་གནས་ལུགས་དང་།། སངས་རྒྱས་ཆོས་ཀྱི་སྐུ་ཡི་ངོ་བོ་དང་།། སངས་རྒྱས་ཆོས་ཀྱི་སྐུ་ཡི་རྩལ་སྣང་དང་།། སངས་རྒྱས་ཆོས་ཀྱི་སྐུ་དེའི་ཁྱད་པར་དང་།། སངས་རྒྱས
260a2 ཆོས་ཀྱི་སྐུ་དེའི་ཁྱབ་ཚུལ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཐོག་མ་ཐ་མ་མེད་པ་ན།། སངས་རྒྱས་སེམས་ཅན་གཉིས་མེད་དེ།། སངས་རྒྱས་ཆོས་སྐུ
260a3 ཆེན་པོ་དེས།། བསྒྲུབ་མེད་རྩོལ་བསྒྲུབ་མེད་པས་ན།། ལམ་གྱིས་བཅོས་སུ་ག་ལ་ཡོད།། ནམ་མཁའ་ཆེན་པོའི་ཚུལ་དུ་གནས།། ངོ་བོ་རིག་མེད་རིག་མ་སྐྱེས་པ་དེ།། རྒྱུ་འབྲས་ཀུན་ལས་གྲོལ་བས་གཉེན་པོ
260a4 མེད།། རྩོལ་མེད་འགག་པ་མེད་པས་སྣང་ཚུལ་ཅིར་ཡང་སྣང་།། རྣམ་རྟོག་ཡུལ་དུ་མེད་པས་འདི་ཞེས་བསྟན་དུ་མེད།། རང་བྱུང་རང་ལ་སྣང་ཡང་གོས་པ་གང་ཡང་མེད།། ཉིད་ལས་མ་རྟོགས་གང་ཡང་རྩལ་ཙམ
260a5 མེད།། ཐམས་ཅད་སངས་རྒྱས་ཆོས་སྐུའི་ངོ་བོ་ཡིན།། དེ་ཡི་རྩལ་གྱིས་སྣང་བ་ལྔ་པོ་ནི།། གསལ་དངས་མི་གཡོ་མི་འགྱུར་རྒྱ་མ་ཆད།། འགག་པ་མེད་པའི་ཡོན་ཏན་སྣ་ཚོགས་མངའ།། སངས་རྒྱས་ཆོས་སྐུའི་སྣང་བ
260a6 ཁྱད་པར་ནི།། སྐུ་ཡི་སྐུ་རུ་སྣང་བ་དང་།། ཡེ་ཤེས་སྐུ་རུ་སྣང་བའོ།། མེད་པའི་སྐུ་རུ་སྣང་བ་དང་།། ཡོད་པའི་སྐུ་རུ་སྣང་བའོ།། སེམས་ཀྱི་སྐུ་རུ་སྣང་བ་དང་།། སེམས་ལས་བྱུང་བའི་སྐུ་རུ་སྣང་བའོ།། སྐུ་ཡི་གཞི་ཉིད་དེ
iiif viewer powered by OpenSeadragon
