| e-texts navigator |
| Wylie |
25b1 མི་གཡོ་བ།། དཀྱིལ་འཁོར་ཀུན་ཏུ་བཟང་པོའི་ཞིང་།། མི་ཟད་རྒྱན་གྱི་འཁོར་ལོ་ལྡན།། ཟད་པར་བྱ་བའི་དོན་དུ་ནི།། གསང་སྔགས་འདི་ནི་བརྗོད་པར་བྱ།། ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ&ཧཾ། གྲུ་བཞི་པ་ལ་སྒོ་བཞི
25b2 པ།། ལྟེ་བ་རྩིབས་སུ་བཅས་པ་ལ།། དཀྱིལ་འཁོར་འབར་བ་བསྒོམ་པར་བྱ།། རྒྱུན་དུ་དཀྱིལ་འཁོར་མ་ལུས་བསྒོམ།། སྐུ་གསུང་ཐུགས་ལྡན་གཟུགས་ཀྱང་དགོད།། ཡན་ལག་བཞི་དང་རབ་ལྡན་པས།། གསང་བའི
25b3 པདྨར་མེ་ཏོག་རླན།། བྱང་ཆུབ་སེམས་ནི་འབྱུང་བའི་ཚེ།། མཁས་པས་སྔགས་ནི་ཕཊ་ཅེས་བརྗོད།། ཨོཾ་ཨ་ཀ་རོ་མུ་ཁཾ་སརྦ་དྷརྨཱ་ཎཱཾ། ཨཱདྱ་ནུཏྤནྣ་ཏཱ་ཏ་ཨོཾ་ཨཱཿཧཱུཾ་ཕཊ་སྭཱ་ཧཱ། སྔགས་དེ་རྣམས་ནི་གསུང་མ་ཐག། སྣང་བའི
25b4 དངོས་པོ་ཀུན་འགགས་ནས།། ཐ་མར་ཉམས་སུ་མྱང་བ་མེད།། ཆོས་རྣམས་གང་ཡང་མཐོང་བ་མེད།། བཙལ་བ་མེད་པས་བྱང་ཆུབ་ཆེ།། དེ་ཉིད་དངོས་གྲུབ་མཆོག་གི་ས།། ཐམས་ཅད་ལྟ་བས་རྒྱས་བཏབ
25b5 པས།། སྤྱོད་པས་ཅི་ལ་ཡང་ཆགས་པ་མེད་པའོ།། བལྟ་བ་དང་ནི་སྤྱོད་པ་དང་།། གཉིས་སུ་མེད་པར་བྱས་ཏེ་བསྒྲུབ།། ཐམས་ཅད་ཟིལ་གྱིས་གནོན་པ་ཡི།། ངོ་བོ་ཉིད་ཀྱི་རང་བཞིན་གྱིས།། ཐམས་ཅད་མ་ལུས་ཕྱག
25b6 རྒྱས་བཏབ།། ངོ་བོ་ཉིད་ཀྱི་རང་བཞིན་ལ།། དམིགས་སུ་རྡུལ་ཕྲ་མེད་པས་ན།། དེ་དམིགས་ཤེས་པའང་ཡོད་མི་རུང་།། རང་བཞིན་རང་བཞིན་མེད་པ་ལ།། རང་བཞིན་མེད་པར་ཡོངས་སུ་བསྒོམ།། རང་བཞིན་མེད།
iiif viewer powered by OpenSeadragon
