| e-texts navigator |
| Wylie |
259a1 ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། སྲིད་པ་བར་དོའི་ལུས་ཀྱི་སྣང་ལུགས་དང་།། སྲིད་པ་བར་དོ་དག་ལ་ཡེ་ཤེས་སྐྱེ་ལུགས་དང་།། སྲིད་པ་བར་དོ་དག་ལ་འབྲས་བུ་ཐོབ་པ་གང་།། སྟོན་པའི
259a2 སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ལུས་ནི་རྣམ་པ་གསུམ་དང་ལྡན་པ་སྟེ།། བག་ཆགས་དག་གི་སྣང་ལུགས་ནི།། སྔོན་བྱུང་སྲིད་པའི་ཤ་ཚུགས་ཅན།། དབང་པོ་ཀུན
259a3 ཚང་ཐོགས་མེད་ལྡན།། རྫུ་འཕྲུལ་ལས་ཀྱི་སྟོབས་དང་ལྡན།། དེ་ལྟའི་ལུས་དང་ལྡན་པར་གནས།། རྫུ་འཕྲུལ་དག་གི་ལུས་དེ་ནི།། འདྲ་མཐུན་རིགས་མཐུན་འདྲ་བར་སྤྲུལ་ནས་ནི།། ཐོགས་མེད་དབང་པོ་ཀུན་ཚང
259a4 བ།། འོད་དང་ཆས་ནས་བག་ཆགས་གསལ།། སྲིད་པའི་རླུང་ལ་ཞོན་ནས་སུ།། རིགས་མཐུན་ལྟ་བུའི་བག་ཆགས་སྣང་།། ཡེ་ཤེས་དག་གི་ལུས་དེའི་རང་བཞིན་ནི།། ལུས་མེད་ལུས་ཏེ་འཇའ་ཚོན་སྐུ།། སྐུ་གསུམ་དག
259a5 གི་སྣང་བ་འཛིན།། ཡེ་ཤེས་སྦྲུལ་སྐུ་ཅིར་ཡང་འཆར།། ཡེ་ཤེས་འོད་དང་ཆས་ནས་གནས།། འབྱུང་བའི་འོད་དང་བག་ཆགས་འོད།། རིམ་པ་བཞིན་དུ་གནས་པའི་ལུས།། སྲིད་པ་བར་དོ་དག་ལ་ཡེ་ཤེས་སྐྱེ་བ
259a6 ནི།། བསམ་གཏན་ལྡན་པའི་བར་དོ་ནི།། སྲིད་པའི་སྡུག་བསྔལ་དུ་མ་འབྱུང་འགྱུར་ཡང་།། སྡུག་བསྔལ་དེ་ལ་བརྟེན་ནས་རྟོག་མེད་པ།། འཕགས་པ་དགྲ་བཅོམ་ལྟ་བུའི་འབྲས་བུ་ཐོབ།། སྲིད་པ་བར་མ་དོ་ཡི་སྡུག
iiif viewer powered by OpenSeadragon
