| e-texts navigator |
| Wylie |
257b1 དང་།། དངོས་མེད་སྣང་བ་སྤྲུལ་པ་ལྟ་བུ་དང་།། དོན་མི་ལྡན་པ་བྲག་ཆ་ལྟ་བུ་དང་།། རང་བཞིན་རང་སྣང་རྨི་ལམ་ལྟ་བུའོ།། ཆོས་རྣམས་ཐམས་ཅད་དེ་བཞིན་སྣང་བ་ལ།། དེ་ལ་ཞེན་མེད་ཆགས་མེད་དགའ་དང
257b2 བཏང་སྙོམས་མེད།། ཉིན་གུང་ཡེངས་པ་མེད་པ་ཡིས།། རྒོད་ན་མཉམ་གཞག་ངང་ལ་གནས།། བྱིང་ན་རྗེས་ཐོབ་དང་ལ་གནས།། ཆོས་སྐུ་ཡེ་ཤེས་རྒྱུན་དུ་འབྱུང་།། སྲོད་ལ་རྣལ་འབྱོར་བྱ་བ་ནི།། བསམ་གཏན་གཉིད
257b3 དང་བསྲེས་པ་ནི།། ཆོས་ཉིད་ངང་ལ་གནས་བྱས་ལ།། དེ་ལས་གཉིད་བྱུང་ཆོས་ཀྱི་སྐུ།། གཉིད་ཀྱི་རྟོག་པ་མ་ལངས་ན།། ཆོས་ཉིད་མ་ཡི་ཏིང་འཛིན་ཡིན།། གཉིད་ཀྱི་རྟོག་པ་ལངས་པ་ན།། གཉིད་ནི་བྱ་གཉིད་ལྟ་བུར
257b4 བྱ།། ཡང་དང་ཡང་དུ་ཐུན་དུ་གཅད།། གཉིད་དང་བསམ་གཏན་ཡང་ཡང་བསྲེ།། དེ་ཡི་རྒྱུན་ཉིད་ཐོབ་པ་ན།། རིག་པ་མ་ལ་བཞག་པ་ཡིས།། བག་ཆགས་རྨི་ལམ་མ་བྱུང་ན།། ཡེ་ཤེས་རིག་མ་སྐྱེས་པ་ཡིས།། ཆོས་ཉིད
257b5 ངངལ་ཆོས་སྐུ་གནས།། གཏིང་གསལ་ཆེན་པོའི་ཡེ་ཤེས་འབྱུང་།། དེ་ཡི་བརྟན་པ་ཐོབ་པ་དང་།། གཉིད་སད་ན་ཡང་དེ་བཞིན་འབྱུང་།། རྨི་ལམ་དག་ལ་བརྟེན་ནས་ནི།། སྣང་བ་རྗེས་ཐོབ་ཉིད་དུ་སྣང་།། མཚན་དགུང
257b6 རྣལ་འབྱོར་བྱ་བ་ལ།། ཡེ་ཤེས་རང་སོ་མི་གཡོ་བས།། འབྱེད་པ་མེད་པའི་ཆོས་སྐུ་དེ།། རང་བྱུང་ཡེ་ཤེས་རང་ལ་གསལ།། གལ་ཏེ་རྨི་ལམ་བྱུང་གྱུར་ན།། སྒྱུ་མ་ལྟ་བུའི་ཏིང་འཛིན་བསྒོམ།། རྨི་ལམ་རྨི་ལམ་ཤེས་པ
iiif viewer powered by OpenSeadragon
