| e-texts navigator |
| Wylie |
257a1 སངས་ཞེས་བྱ།། ཤེས་བྱའི་སྒྲིབ་པ་དག་པ་ཡིན།། རྡོ་རྗེ་ལྟ་བུའི་ཏིང་འཛིན་ཐོབ།། ཆོས་ཀྱི་སྐུ་ཡི་ཞལ་བསྟན་པས།། རང་བྱུང་ཡེ་ཤེས་དེ་ལ་སྐྱེས།། འབྲས་བུ་སྐུ་གསུམ་ལྷུན་གྱིས་གྲུབ།། སངས་རྒྱས་པ
257a2 ཡི་སངས་རྒྱས་སོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས།། སྐུ་དང་ཡེ་ཤེས་ཞལ་བསྟན་པའི་ལེའུ་སྟེ་བཅུ་གཉིས་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ
257a3 ལ།། ཉིན་གུང་རྣལ་འབྱོར་བྱ་བ་དང་།། སྲོད་ལ་རྣལ་འབྱོར་བྱ་བ་དང་།། ནམ་གུང་རྣལ་འབྱོར་བྱ་བ་ཡིས།། རྒྱུན་དུ་ཡེ་ཤེས་ཐོབ་པ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ
257a4 སེམས་དཔའ་ལ།། ཉིན་གུང་རྣལ་འབྱོར་བྱ་བ་ནི།། མཉམ་པར་གཞག་པའི་དུས་ཉིད་ན།། ཚོགས་དྲུག་ནམ་མཁའི་ངངཔལ་བཞག། སྒོ་ལྔ་ལ་བརྟེན་ཤེས་པ་ཀུན།། ཡུལ་ལ་མི་སྤྱོད་ཐལ་ལེ་ཕུང་ངེར་བཞག། བྱིང་ན
257a5 ཤེས་པ་གཟེངས་ཀྱང་བསྟོད།། རྒོད་ན་ཆོས་ཉིད་རྒྱས་ཀྱང་གདབ།། རྣམ་པར་མི་རྟོག་ཏིང་འཛིན་ཏེ།། དེ་རྣམས་གསལ་བར་མ་གྱུར་ན།། རྗེས་ལས་ཐོབ་པའི་སྣང་བ་འདི།། སྒྱུ་མའི་དཔེ་བརྒྱད་ལྟ་བུར
257a6 འཆར།། གསལ་ལ་སྟོང་པ་འཇའ་ཚོན་ལྟ་བུར་སྣང་།། སྣང་ལ་མེད་པ་ཆུ་ཟླ་ལྟ་བུ་དང་།། རྟེན་མེད་ཤར་བ་སྨིག་རྒྱུ་ལྟ་བུ་དང་།། བརྟགས་ན་མེད་པ་སྒྱུ་མ་ལྟ་བུ་དང་།། ཡིན་ལ་མིན་པ་གཟུགས་བརྙན་ལྟ་བུ
iiif viewer powered by OpenSeadragon
