| e-texts navigator |
| Wylie |
256a1 པའོ།། བལྟ་བ་ལས་བྱུང་ཡེ་ཤེས་སྐྱེས་པ་དང་།། བསྒོམ་པ་ལས་བྱུང་ཡེ་ཤེས་སྐྱེས་པ་དང་།། སྤྱོད་པ་ལས་བྱུང་ཡེ་ཤེས་སྐྱེས་པ་དེ།། དབྱེར་མེད་གཅིག་ཡིན་གང་ལྟར་བདེ་བར་བཞག། རང་བཞིན་པར
256a2 དོར་བལྟ་བསྒོམ་སྤྱོད་པ་དང་།། མཉམ་བཞག་དུས་དང་རྗེས་ཐོབ་མཉམ་པ་ནི།། རྨི་ལམ་བར་དོའི་དུས་སུ་དེ་བཞིན་འབྱུང་།། རྨི་ལམ་དུས་ན་དེ་ཉིད་བརྟན་པ་ན།། སྲིད་པ་བར་དོའི་དུས་སུ་དེ་བཞིན
256a3 གསལ།། གསལ་བའི་ཡེ་ཤེས་ཟང་ཐལ་སྣང་བ་དེས།། ཐམས་ཅད་ཀུན་ཏུ་བཟང་པོའི་ངང་དུ་ཤར།། འབྲས་བུ་སྐུ་གསུམ་རང་སྣང་ལྷུན་གྱིས་གྲུབ།། རྡོ་རྗེ་སེམས་དཔའ་ཆེན་པོ་དེ་ཉིད་དོ།། རིན་པོ་ཆེ་རྒྱས་པ་ཆེན་པོའི
256a4 རྒྱུད་ལས། ཐེག་པ་ཆེན་པོ་རོ་སྙོམས་བཞི་བསྟན་པའི་ལེའུ་སྟེ་བཅུ་གཅིག་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལུས་གང་ཚེ་གཅིག་སངས
256a5 རྒྱས་ཐོབ་པ་གང་།། སྐུ་དང་ཡེ་ཤེས་བརྟན་པ་ཐོབ་པ་གང་།། བསྲེ་བཀུག་བསྟན་པའི་མན་ངག་ཇི་ལྟ་བུ།། དེ་ལ་ཡེ་ཤེས་རྣམ་གསུམ་གྱིས།། མུན་པ་རྣམ་གསུམ་སེལ་བ་གང་།། ཏིང་འཛིན་རྣམ་གསུམ་སྐྱེས་པ
256a6 གང་།། འབྲས་བུ་རྣམ་གསུམ་རྫོགས་པ་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སངས་རྒྱས་ཆོས་ཀྱི་སྐུ་ཡི་ཞལ་བསྟན་དང་།། རང་བྱུང་ཡེ་ཤེས་བརྟན
iiif viewer powered by OpenSeadragon
