| e-texts navigator |
| Wylie |
255b1 ཆགས་སྡང་དང་།། བདེ་གཤེགས་རང་བྱུང་ཡེ་ཤེས་གཉིས།། དབྱེར་མེད་རོ་གཅིག་དེ་ཉིད་ཡིན།། མ་བཅོས་མ་ཕྲི་དགག་བསྒྲུབ་མེད།། གང་ལ་ཆགས་སྡང་མེད་པ་བསྒོམ་པའི་ཚད།། གང་ཡང་བླང་དོར་མེད་པ
255b2 བསྒོམ་པའི་ཚད།། གང་ལ་བྱིང་རྒོད་མེད་པ་བསྒོམ་པའི་ཚད།། རྐྱེན་རྣམས་ཇི་ལྟར་བསྐྱོད་ཀྱང་ཡེངས་པ་མེད།། ལུས་དང་སེམས་དང་སྣང་བ་གསུམ་ལས་འདས།། དམིགས་པ་གསུམ་ལས་འདས་པ་བསྒོམ་པའི
255b3 རྟགས།། ཞེན་མེད་ཆགས་མེད་བསམ་གཏན་བདུད་ལས་འདས།། བསྒོམ་པའི་རོ་སྙོམས་བདེ་གཤེགས་ཀུན་དང་མཉམ།། ཚད་དང་རྟགས་ཀྱིས་སྐུ་དང་ཡེ་ཤེས་རྫོགས།། སྤྱོད་པའི་རོ་སྙོམས་ཚད་དང་རྟགས་གཉིས
255b4 ནི།། གང་ལ་ཆགས་སྡང་མེད་ཅིང་གང་ལ་ཐོགས་པ་མེད།། ཆེད་དུ་བྱས་པ་མེད་པས་ཆེད་དུ་བྱ་རུ་མེད།། གང་ལྟར་བྱས་ཀྱང་སྐུ་དང་ཡེ་ཤེས་དང་།། སྐུ་ཡི་སྐུ་ནི་གང་དུ་གྲུབ་པ་མེད།། ཡེ་ཤེས་ཡེ་ཤེས་གང་དུ་རྟོག་པ
255b5 མེད།། གང་ལྟར་བྱས་ཀྱང་སྐྲ་དང་ཡེ་ཤེས་དང་།། དབྱིངས་ཀྱིས་དབྱིངས་ལ་རོལ་པའི་སྤྱོད་པ་ནི།། གང་ལྟར་སྤྱད་ཀྱང་མཉམ་པ་ཉིད་ཀྱི་ངང་།། ཡེ་ཤེས་ཡེ་ཤེས་རོལ་པའི་སྤྱོད་པ་ནི།། གང་ལྟར་རོལ་ཡང་རྟོག་པ་མི
255b6 མངའོ།། རིག་སྤྱོད་གསང་སྤྱོད་བརྟུལ་ཞུགས་སྤྱོད་པ་ལ།། གང་ལྟར་སྤྱད་ཀྱང་ཡེ་ཤེས་ཁྱད་པར་ཆེ།། སྤྱོད་པའི་ཚད་ནི་གོས་པ་མེད་པའོ།། སྤྱོད་པའི་རྟགས་ནི་བླང་དོར་མེད་པའོ།། རང་བྱུང་ཞེ་འདོད་མེད་པའི་སྤྱོད
iiif viewer powered by OpenSeadragon
