| e-texts navigator |
| Wylie |
255a1 སྟེ།། གང་ལ་ཆགས་སྡང་མེད་ན་ལྟ་བའི་ཚད།། འཇིག་རྟེན་ཆོས་བརྒྱད་དག་ལས་འདས་པ་དང་།། དམིགས་པ་གསུམ་འདས་མིང་དང་བརྡའ་མི་སྣང་།། མིང་དང་བརྡའ་དེས་དེ་དོན་མཚོན་མི
255a2 བྱེད།། བརྗོད་དུ་མེད་དེ་ཡིན་ཚུལ་ཡིན་པར་ཤེས།། དཔེར་ན་ལྐུགས་པས་རོ་མྱངས་ཁོང་ན་གསལ་བ་བཞིན།། བརྗོད་པར་འདོད་ཀྱང་བརྗོད་པའི་དོན་མི་ཤེས།། གང་ལྟར་བྱས་ཀྱང་དེ་རྣམས་རྒྱུན་དུ་འབྱུང་།། དེ་ཡི
255a3 རྟགས་ནི་ལུས་དང་སེམས་ལས་འབྱུང་།། ལུས་ལ་བག་ཚ་མེད་ཅིང་རྩོལ་སོགས་མེད་པ་དང་།། སེམས་ལ་ཆགས་སྡང་མེད་ཅིང་ཁོང་ཁྲོ་མེད་པ་འབྱུང་།། རྐྱེན་གྱིས་བསྐྱོད་དང་མི་བསྐྱོད་གང་ཡང་མེད།། དེ་འདྲ་དེ་ལ
255a4 དགའ་དང་ཆགས་པ་མེད།། རྡོ་རྗེ་སེམས་དཔའ་ཁོང་ནས་འཆར་བ་ཡིས།། གང་ལྟར་བྱས་ཀྱང་ཀུན་ཏུ་བཟང་པོ་ཉིད།། ཐམས་ཅད་ཀུན་ཏུ་བཟང་པོར་སྣང་བ་ལས།། སྤང་དང་སྤང་བར་བྱ་བ་ག་ལ་ཡོད།། བསྒོམ་པའི
255a5 རོ་སྙམས་ཚད་དང་རྟགས་གཉིས་ནི།། དམིགས་པ་མེད་པའི་ཆོས་ཉིད་ལས།། འཛིན་པ་མེད་པའི་སྒོ་ལྔ་ཡིས།། མ་གཡོས་ཡིད་ཀྱི་ཡེ་ཤེས་ཀྱིས།། རྟོག་པ་མེད་པའི་ཡེ་ཤེས་ཤར།། ཕྱི་དང་ནང་མེད་དེ་བཞིན
255a6 སྣང་།། ཡེངས་དང་མ་ཡེངས་གཉིས་མེད་པར།། རང་འབྱུང་རང་གི་ངང་གིས་འབྱུང་།། སྣང་ལ་རང་བཞིན་མེད་པར་ཤར།། རིག་ལ་བརྗོད་དུ་མེད་པར་གྲུབ།། བདེ་ལ་མྱོང་རྒྱུ་མེད་པར་བདེ།། ལོག་འདྲེན་ཅན་གྱི
iiif viewer powered by OpenSeadragon
