| e-texts navigator |
| Wylie |
254b1 པས་ཡེ་ཤེས་ལུས།། ཡེ་ཤེས་སྤྱན་དང་ལྡན་པ་དེས།། ཐམས་ཅད་ནམ་མཁའ་དཀྱིལ་ལྟར་གཟིགས།། ལྷུན་གྲུབ་རང་བྱུང་ཡེ་ཤེས་དེས།། སངས་རྒྱས་ཆོས་སྐུ་དྲི་མེད་རྟོགས།། འབྲས་བུ་སྐུ་གསུམ་དབྱེར་མེད
254b2 འགྲུབ།། ཟག་དང་བཅས་པའི་ལུས་ཉིད་ལས།། ཡེ་ཤེས་ལུས་ཅན་བདེ་གཤེགས་འགྲུབ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། རྒྱུ་ཕུང་པོ་ཟག་པ་དང་བཅས་པ་ལ་བརྟེན་ནས་ཡེ་ཤེས་ལུས་སུ་གྲུབ་པའི་ལེའུ་སྟེ
254b3 བཅུ་པའོ།། །། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན་པ་ཀུན་ཏུ་བཟང་པོ་ལ།། ལྟ་བའི་རོ་སྙོམས་ཚད་དང་རྟགས་གཉིས་དང་།། སྒོམ་པའི་རོ་སྙོམས་ཚད་དང་རྟགས་གཉིས
254b4 དང་།། སྤྱོད་པའི་རོ་སྙོམས་ཚད་དང་རྟགས་གཉིས་དང་།། བར་དོའི་རོ་སྙོམས་ཚད་དང་རྟགས་གཉིས་གང་།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། ཐོག་མཐའ
254b5 མེད་པའི་དུས་ཉིད་ན།། སྐུ་དང་ཡེ་ཤེས་དབྱེར་མེད་གནས་པ་བཞིན།། སྐུ་དང་ཡེ་ཤེས་རྩལ་དང་ཟེར་དུ་ཆད།། ཡན་ལག་སེམས་ཅན་དེ་ལ་སྐུ་དང་ཡེ་ཤེས་གནས།། ལམ་གྱི་དུས་ན་སྐུ་དང་ཡེ་ཤེས་རྟོགས།། འབྲས
254b6 བུའི་དུས་ན་སྐུ་དང་ཡེ་ཤེས་འཐོབ།། མུ་སྟེགས་རྟག་ཆད་གཉིས་སུ་འཛིན་པ་དང་།། ཀུན་ཏུ་བཟང་པོའི་སྐུ་དང་ཡེ་ཤེས་གཉིས།། བཟང་ངན་མེད་དེ་དབྱེར་མེད་གཅིག་པར་གནས།། ཡིན་ལ་ཡིན་པར་ཤེས་ན་ལྟ་བ
iiif viewer powered by OpenSeadragon
