| e-texts navigator |
| Wylie |
254a1 རབ་ཀྱིས།། སྙིང་པོ་རང་བྱུང་ཡེ་ཤེས་ཤར།། སངས་རྒྱས་ཆོས་སྐུ་དྲི་མེད་འཐོབ།། འབྲས་བུ་སྐུ་གསུམ་ལྷུན་གྱིས་གྲུབ།། ཟག་དང་བཅས་པའི་ལུས་ཉིད་ནི།། གཟུགས་དང་ཚོར་བ་འདུ་ཤེས་དང་།། འདུ
254a2 བྱེད་རྣམ་པར་ཤེས་པ་རྣམས།། གཅིག་ཏུ་འདུས་པ་གཟུགས་སུ་སྣང་།། དེ་ཉིད་དག་ལ་བརྟེན་ནས་ནི།། ཆུ་བུར་སྤྱན་དང་ལྡན་པ་འབྱུང་།། གསལ་བར་དཔག་ཚད་རྒྱང་གྲགས་མཐོང་།། དབང་པོ་རྣམ་ལྔ་དེ་བཞིན
254a3 ནོ།། རྐྱེན་གཞན་དག་ལ་བརྟེན་ནས་ནི།། ཐོས་པ་ལས་བྱུང་ཤེས་རབ་ཀྱིས།། མི་རྟོག་པ་ཡི་ཡེ་ཤེས་སྐྱེ།། སེམས་ཉིད་སྟོང་པའི་ཆོས་སྐུ་ཐོབ།། དེ་ཡི་འབྲས་བུ་ཟག་མེད་ལུས།། གཟུགས་ནི་ཐོགས་མེད་ཏིང་འཛིན།
254a4 ལུས།། དེ་ལ་བརྟེན་པའི་ཕུང་ལྔ་ཡང་།། འཇའ་ཚོན་ལྟ་བུའི་ལུས་ཉིད་ལས།། ལྷ་ཡི་སྤྱན་དང་ལྡན་པ་སྟེ།། སྟོང་གསུམ་བྱེ་བ་ཕྲག་བརྒྱ་གཟིགས།། བསམ་པ་ལས་བྱུང་ཤེས་རབ་ཀྱིས།། ཆོས་ཀྱི་སྒོ་མོ་བརྒྱད་ཁྲི
254a5 དང་།། བཞི་སྟོང་ཐམས་ཅད་ལྷུན་གྱིས་གྲུབ།། རང་བྱུང་ཡེ་ཤེས་ཆེན་པོ་དེས།། ཕྱི་དང་ནང་དུ་སྣང་བ་ཡང་།། ཆོས་སྐུ་ནམ་མཁའ་ལྟ་བུར་རྟོགས།། དེ་ཉིད་དག་ལ་བརྟེན་པས་ན།། རྡོ་རྗེ་ལྟ་བུའི་ལུས་ཉིད་འབྱུང་།། ཡེ
254a6 ཤེས་ཕུང་པོར་སྣང་བ་ནི།། ཆོས་ཀྱི་དབྱིངས་ཀྱི་ཡེ་ཤེས་དང་།། མེ་ལོང་ལྟ་བུའི་ཡེ་ཤེས་དང་།། མཉམ་པ་ཉིད་ཀྱི་ཡེ་ཤེས་དང་།། སོ་སོར་རྟོག་པའི་ཡེ་ཤེས་དང་།། བྱ་བ་གྲུབ་པའི་ཡེ་ཤེས་རྣམས།། གཅིག་ཏུ་འདུས
iiif viewer powered by OpenSeadragon
